News April 7, 2025
மதுரையில் இந்திய குடியரசு கட்சியினர் ஆர்ப்பாட்டம்
மதுரை மாவட்ட ஆட்சியர் அலுவலகம் அருகே பெரியார் சிலை முன்பாக இன்று ஒருங்கிணைந்த இந்திய குடியரசு கட்சியினர் பல்வேறு கோரிக்கைகளை வலியுறுத்தி கண்டன ஆர்ப்பாட்டத்தில் ஈடுபட்டனர். ஆதி திராவிட துறையின் முறைகேடுகளை கண்டித்தும், முறைகேடுகளில் ஈடுபட்டுள்ள துறை அதிகாரிகள் மீது நடவடிக்கை எடுக்க வலியுறுத்தியும் ஒருங்கிணைந்த இந்திய குடியரசு கட்சியின் முக்கிய நிர்வாகிகள் கலந்து கொண்டு முழக்கங்களை எழுப்பினர்.
Similar News
News April 8, 2025
மதுரையில் ரூ.24 கோடி மோசடி
பங்குசந்தையில் முதலீடு செய்தால் இருமடங்கு லாபம் கிடைக்கும் என கூறி ரூ.24 கோடி மோசடி செய்ததாக மதுரை கலெக்டர் அலுவலகத்தில் புகார் அளிக்கப்பட்டுள்ளது. 3 மாதங்களாக மூதலீட்டிற்கான லாப தொகை வழங்கியதால் அதை நம்பி முதலீடு செய்துள்ளோம் என புகார் அளிக்க வந்தவர் தெரிவித்துள்ளவனர்.ஒவ்வொருவரும் தலா ரூ.5 லட்சம் முதல் ரூ.20 லட்சம் வரை முதலீடு செய்து இழந்துள்ளனர்.
News April 8, 2025
மதுரை அங்கன்வாடியில் வேலை ரெடி
மதுரை மாவட்டத்தில் செயல்படும் குழந்தைகள் மையங்களில் காலியாக உள்ள 217 பணியாளர், 4 குறு அங்கன்வாடி பணியாளர், 152 உதவியாளர் பணியிடங்களுக்கு நேரடி நியமனம் செய்யப்பட உள்ளன. விண்ணப்பிக்க விரும்புவர்கள் www.icds.tn.gov.in என்ற இணையதளத்தில் விண்ணப்பத்தை பதிவிறக்கம் செய்து ஏப்.23 க்குள் விண்ணப்பிக்க வேண்டும். இதில் ஊதியமாக பணியாளருக்கு ரூ.7700 – 24200, உதவியாளருக்கு ரூ.4100 – 12500 வரை வழங்கப்படும்.
News April 7, 2025
மதுரை: தகாத உறவினால் தூக்கிட்டு தற்கொலை
மதுரையை சேர்ந்தவர் மணிகண்டன்(33). இவருக்கு திருமணமாகி குழந்தை உள்ள நிலையில், சீகுபட்டியை சேர்ந்த பால்பாண்டி மனைவி மயிலம்மாள்(43) என்பவருடன் தொடர்பு ஏற்பட்டது. தன்னை விட 10வயது மூத்த பெண்ணிடம் இவர் தொடர்பில் இருந்ததை உறவினர்கள் கண்டித்து வந்துள்ளனர். இதனால் மன உளைச்சலில் இருந்த இருவரும், மயிலம்மாள் வீட்டு அருகே இருந்த வேப்பமரத்தில் தூக்கிட்டு தற்கொலை செய்து கொண்டனர். ஊமச்சிகுளம் போலீசார் விசாரணை.