News December 26, 2024
மணமேல்குடி: ரூ.1 கோடி மதிப்பில் நலத்திட்ட பணி
மணமேல்குடி ஊராட்சியில் ரூ.1 கோடி மதிப்பீட்டில் நாளை (டிச.27) காலை 9 மணியில் இருந்து கோலேந்திரன், சாத்தியடி, கோட்டைப்பட்டினம், வெட்டிவயல் ஆகிய பகுதிகளில் புதிதாக கட்டப்பட்ட கட்டடங்கள் மற்றும் புதிய ஆழ்குழாய் கிணறு துவக்க விழா நிகழ்ச்சி நடைபெற உள்ளது. இந்த நிகழ்ச்சியானது மணமேல்குடி ஒன்றிய பெருந்தலைவர் கார்த்திகேயன் தலைமையில் நடைபெற உள்ளது என ஊராட்சி ஒன்றிய அலுவலகம் அறிவுறுத்தினார்.
Similar News
News January 14, 2025
சாலையின் தடுப்பு சுவரில் மோதி ஒருவர் பலி
ஆவுடையார்கோவில், மீமிசல் குமரப்பன் வயல் பகுதியை சேர்ந்த வசந்த் (23), மனோஜ் (20) இருவரும் டூவீலரில் நேற்று அப்பகுதிக்கு சென்றபோது மதுபோதையில் இருந்ததாக கூறப்படுகிறது. இந்நிலையில் பொன்பேத்தி சாலையில் தடுப்புகட்டையில் டூவீலர் மோதி ஏற்பட்ட விபத்தில் வசந்த் அதே இடத்தில் உயிரிழந்தார். படுகாயமடைந்த மனோஜ் மருத்துவமனைக்கு அனுப்பி வைக்கப்பட்டார். இதுகுறித்து திருப்புனவாசல் போலீஸார் விசாரிக்கின்றனர்.
News January 14, 2025
புதுகை : கிராம சபை கூட்டம் 26 ஆம் தேதி நடக்கிறது!
புதுகை மாவட்டத்தில் 497 கிராம ஊராட்சிகளில் குடியரசு தினத்தன்று கிராம சபை கூட்டம் வருகிற 26 ஆம் தேதி நடக்கிறது. இதில் கிராம ஊராட்சி செலவினம் குறித்து விவாதித்தல், தணிக்கை அறிக்கை, ஜல் ஜீவன் மிஷன் திட்டம் உள்ளிட்டவை குறித்து விவாதிக்கப்பட உள்ளதால், பொதுமக்கள், மகளிர் சுய உதவிக் குழுக்கள், தன்னார்வ தொண்டு நிறுவனங்களை சேர்ந்தோர் கலந்து கொண்டு பயன்பெறலாம் என ஆட்சியர் மு.அருணா அழைப்பு விடுத்துள்ளார்.
News January 14, 2025
இளம் நெறிஞர் பதவிக்கு விண்ணப்பிக்கலாம் ஆட்சியர்
மாவட்ட சிறப்பு திட்ட செயலாக்க அலகில் பணியாற்ற நெறிஞர் பதவிக்கு பணியிடம் நிரப்பப்பட உள்ளதால், தகுதியானவர்கள் விண்ணப்பிக்கலாம் என புதுக்கோட்டை மாவட்ட ஆட்சியர் அருணா இன்று இரவு ஆட்சியரகத்தில் இருந்து தகவல் வெளியிட்டுள்ளார். மேலும் மாதம் 50,000 தொகுப்பு ஊதியம் பெறலாம் எனவும் தகுதியானவர்கள் புள்ளியியல் துறை அலுவலகத்தில் 27.1.25 தேதிக்குள் விண்ணப்பிக்கலாம் என ஆட்சியர் அறிவிப்பு வெளியிட்டுள்ளார்.