News October 27, 2024
போடி: ஒரு ஏக்கர் கேரட்டுகளை தின்று தீர்த்த குரங்குகள்
போடி அருகே உள்ள மூணாறு இங்குள்ள வட்டவடை கிராம பஞ்சாயத்துக்குட்பட்ட கொட்டாகொம்பூர் பகுதியில் ஏராளமான தமிழக விவசாயிகள் வசிக்கிறார்கள். இவர்கள் தங்களது தோட்டங்களில் கேரட், பீன்ஸ் முட்டைக்கோஸ் உள்ளிட்ட காய்கறிகள் மற்றும் பழங்கள் ஆகியவை பயிரிட்டு வந்தனர். இதில் காட்டுப்பன்றி ஒரு பக்கம் பயிர்களை நாசம் செய்தன. மறுபக்கம் குரங்குகளின் கூட்டம் கூட்டமாக 1 ஏக்கர் பரப்பளவில் உள்ள கேரட்டுகளை தின்று நாசமாக்கின.
Similar News
News November 20, 2024
பெரியகுளத்தில்; உங்களைத்தேடி உங்கள் ஊரில் முகாம்
பெரியகுளம் தாலுகாவிற்கு உட்பட்ட பகுதிகளில் இன்று (நவ.20) காலை 9 மணி முதல் நாளை (நவ.21) காலை 9 மணி வரை உங்களுடன் உங்கள் ஊரில் முகாம் நடைபெறவுள்ளது. இதில் மருத்துவமனைகள், அலுவலகங்களில் கலெக்டர் தலைமையில் மாவட்ட அளவிலான அதிகாரிகள் ஆய்வு மேற்கொள்ள உள்ளனர். இன்று மாலை 4:30 மணி முதல் 6 வரை சப்-கலெக்டர் அலுவலகத்தில் பொதுமக்கள் கலெக்டரிடம் நேரடியாக மனுக்களை வழங்கலாம் என கலெக்டர் ஷஜீவனா தெரிவித்துள்ளார்.
News November 20, 2024
சபரிமலை சென்று திரும்பிய வாகனம் விபத்து
தேனி மாவட்டம், பெரியகுளம் சாலையில் சபரிமலை சென்று திரும்பிய நேற்று(நவ.19) வடமாநில ஐயப்ப பக்தர் வாகனம் திடீரென கட்டுப்பாட்டை இழந்து விபத்துக்குள்ளானது. இதில் 5 பேர் பலத்த காயம் அடைந்தனர். டிரைவர் பிரசன்னா, ராஜா, குமார், உள்பட ஐந்து பேரை மீட்டு பெரியகுளம் அரசு மருத்துவமனையில் சிகிச்சைக்கு அனுப்பி வைத்தனர். காவல்துறையினர் விசாரித்து வருகின்றனர்.
News November 20, 2024
பெண்கள் சுயதொழில் துவங்க விண்ணப்பிக்க அழைப்பு
தமிழ்நாடு அரசின் சமூக நலன் மற்றும் மகளிர் உரிமைத் துறை மூலம் கைம்பெண்கள், கணவனால் கைவிடப்பட்ட பெண்கள், நலிவுற்ற பெண்கள், வறுமை கோட்டிற்குள்ள பெண்கள் ஆகியோருக்கு நல வாரியத்தின் மூலம் பயனாளி ஒருவருக்கு ரூ.50 ஆயிரம் வீதம் மானியம் வழங்கப்பட உள்ளது. இவர்கள் நடமாடும் உணவகங்கள், சிற்றுண்டிகடைகள், சலவைக்கடைகள் உள்ளிட்ட கடைகளுக்கு பெற இயலும். விண்ணப்பிக்க டிச.7ஆம் தேதி என கலெக்டர் தெரிவித்துள்ளார்.