News March 3, 2025
பொதுமக்களிடம் இருந்து 710 மனுக்கள் பெறப்பட்டன.
தஞ்சாவூர் மாவட்ட ஆட்சியர் அலுவலகத்தில் மாவட்ட ஆட்சியர் ப்ரியங்கா பங்கஜம் தலைமையில் மக்கள் குறைதீர் கூட்டம் நடைபெற்றது. இந்த கூட்டத்தில் பட்டா, குடும்ப அட்டை, முதியோர் உதவி தொகை, கல்வி கடன் உள்ளிட்ட 710 புகார் மனுக்கள் பொதுமக்களிடமிருந்து பெறப்பட்டன. இந்த மனுக்கள் மீது உரிய நடவடிக்கை எடுக்க சம்பந்தப்பட்ட அதிகாரிகளுக்கு ஆட்சியர் உத்தரவு.
Similar News
News November 15, 2025
சம்பா பயிர் நடவு பணிகள் குறித்து ஆய்வுக் கூட்டம்
தஞ்சாவூர் மாவட்டம் தமிழ்நாடு நுகர்பொருள் வாணிபகழக முதுநிலை மண்டல மேலாளர் அலுவலக கூட்டரங்கில் மாவட்ட ஆட்சியர் பிரியங்கா பங்கஜம், தஞ்சாவூர் மாவட்டத்தில் சம்பா பயிர் நடவுபணி முன்னேற்பாடுகள் குறித்து அலுவலர்களுடன் ஆய்வுக் கூட்டம் நேற்று நடைபெற்றது. இதில், தமிழ்நாடு நுகர்பொருள் வாணிபகழக முதுநிலை மண்டல மேலாளர் செல்வம் மற்றும் அலுவலர்கள் கலந்து கொண்டனர்.
News November 15, 2025
தஞ்சை: இசைக்கலைஞர் குத்திக் கொலை!
கும்பகோணம் அருகே ஏரகாரம் பகுதியைச் சேர்ந்த ட்ரம்ஸ் இசைக்கலைஞர் பாலாஜி. இவர் அவரது நண்பர்களுடன் மது அருந்தியபோது ஏற்பட்ட வாக்குவாதத்தில் அபிஷேக், பிரவீன் ஆகியோரால் கத்தியால் குத்திக் கொலை செய்யப்பட்டார். இதனை அடுத்து வியாழக்கிழமை காலை வயலில் சடலமாக கிடந்த பாலாஜியின் உடலை கண்ட பொதுமக்கள் அளித்த தகவலின் பேரில், காவல்துறையினர் விசாரணை நடத்தி அபிஷேக் மற்றும் பிரவீனை கைது செய்தனர்.
News November 15, 2025
தஞ்சை: சிறுமிக்கு பாலியல் தொல்லை-ஒருவர் கைது
தஞ்சாவூர் மாவட்டம் நாச்சியார்கோவில் வடக்கு தெருவைச் சேர்ந்த கூலித் தொழிலாளி கார்த்திக் (40), அதே பகுதியைச் சேர்ந்த 7 வயது சிறுமிக்கு பாலியல் தொல்லை கொடுத்து மிரட்டியுள்ளார். இதுகுறித்து அறிந்த சிறுமியின் பெற்றோர், ஆடுதுறை மகளிர் காவல் நிலையத்தில் புகார் அளித்தனர். இந்த புகாரின் பேரில், போலீஸார் விசாரணை மேற்கொண்டு, கார்த்திக்கை போக்சோ சட்டத்தின் கீழ் கைது செய்து சிறையில் அடைத்தனர்.