News January 3, 2025
பொங்கல் சிறப்பு தொகுப்பு டோக்கன் விநியோகம்
2025 ஆம் ஆண்டு தமிழர் திருநாள் தைப்பொங்கலை சிறப்பாக கொண்டாடுவதற்காக அனைத்து அரிசி குடும்ப அட்டைதாரர்களுக்கும் மற்றும் இலங்கை தமிழர் மறுவாழ்வு முகாமில் வசிக்கும் குடும்பங்களுக்கும் பொங்கல் பரிசாக ஒரு கிலோ பச்சரிசி, ஒரு கிலோ சர்க்கரை மற்றும் ஒரு முழு கரும்பு வழங்க தமிழக அரசால் அறிவிக்கப்பட்டுள்ளது. இது தொடர்பாக திருப்பத்தூர் மாவட்டத்தில் இன்று முதல் டோக்கன் விநியோகிக்கப்படுகிறது.
Similar News
News January 8, 2025
திமுக நிர்வாகி மீது நில அபகரிப்பு புகார்
திருப்பத்தூர் மாவட்டம் வாணியம்பாடி அடுத்த இடையாம்பள்ளம் பகுதியைச் சேர்ந்த நாகராஜ் என்பவர் அதே பகுதியில் உள்ள 7 சென்ட் நிலத்தில் விவசாயம் செய்து வருகிறார். இந்நிலையில், இந்த நிலம் தொடர்பான வழக்கு நிலுவையில் உள்ளது. இதனிடையே, அந்த நிலத்தை வாணியம்பாடியை சேர்ந்த திமுக உறுப்பினர் ஜெகன் என்பவர் நிலத்தை அபகரித்து கொலை மிரட்டல் விடுவதாக இன்று நாகாராஜின் குடும்பத்தினர் மாவட்ட எஸ்.பியிடம் புகார் அளித்தனர்.
News January 8, 2025
ரூ.15 கோடி மதிப்பில் புதிய மாவட்ட விளையாட்டு வளாகம்
சென்னையில் நேற்று நடைபெற்ற விழாவில், திருப்பத்தூர் மாவட்டம், ஏலகிரி மலையில் ரூ.4.93 கோடி மதிப்பில் புதிய உள் விளையாட்டு அரங்கத்தை காணொளிக் காட்சி வாயிலாக திறந்து துணை முதல்வர் உதயநிதி ஸ்டாலின் திறந்து வைத்தார்.மேலும், திருப்பத்தூர் மாவட்டத்தில் ரூ.15 கோடி மதிப்பில் புதிய மாவட்ட விளையாட்டு வளாகம் அமைக்க ஒப்புதல் வழங்கியுள்ளார். எனவே உதயநிதிக்கு திருப்பத்தூர் எம்.எல்.ஏ நன்றி தெரிவித்தார்.
News January 8, 2025
திருப்பத்தூர் ஆட்சியர் அதிரடி உத்தரவு
திருப்பத்தூர் மாவட்ட ஆட்சியர் அலுவலகத்தில் நேற்று (07.01.2025) பள்ளிக்கல்வித்துறை ஆலோசனை கூட்டம் ஆட்சியர் தர்ப்பகராஜ் தலைமையில் நடைப்பெற்றது. இதில் மாவட்டத்தில் உள்ள அனைத்து பள்ளிகளிலும் தலைமையாசிரியர் சத்துணவு சாப்பிட்ட பின்னரே மாணவர்களுக்கு வழங்க வேண்டும் எனவும், சுற்றுசுவர், கழிப்பறை இல்லாத பள்ளிகள் குறித்து உடனடியாக உயர் அதிகாரிகளுக்கு தகவல் அளிக்க உத்தரவிட்டுள்ளார்.