News April 5, 2025
பெண்களுக்கான இலவச எலக்ட்ரிக் ஆட்டோ பயிற்சி
இந்தியன் ஓவர்சீஸ் வங்கி திருச்சி, ஊரக சுய வேலை வாய்ப்பு நிறுவனம் இணைந்து பெண்களுக்கான 30 நாள் இலவச எலக்ட்ரிக் ஆட்டோ ஓட்டுநர் பயிற்சியை ஏற்பாடு செய்துள்ளது. கல்வி தகுதி: 8ம் வகுப்பு, வயது: 18 முதல் 40வயது வரை உள்ள பெண்கள். மாதம் பத்தாயிரம் முதல் 15 ஆயிரம் வரை வருமானத்தில், 100% வேலை வாய்ப்பையும் ஏற்படுத்தித் தரும் இப்பயிற்சிக்கு விண்ணப்பிக்க, வரும் 16/04/25 தேதி கடைசி நாள். தொடர்புக்கு: 8903363396
Similar News
News November 30, 2025
திருச்சி மாவட்டத்தில் வெளுத்து வாங்கிய மழை
டித்வா புயல் காரணமாக திருச்சி மாவட்டத்தின் பல்வேறு பகுதிகளில் நேற்று (நவ.29) கனமழை பெய்தது. இதில் அதிகபட்சமாக லால்குடி நந்தியாறு அணை பகுதியில் 78.2 மி.மீ பதிவாகியுள்ளது. மேலும் புள்ளம்பாடியில் 61.6 மி.மீ, லால்குடியில் 38.4 மி.மீ, கல்லக்குடியில் 43.4 மி.மீ என மாவட்டம் முழுவதும் 617.8 மில்லி மீட்டர் மழை பதிவாகியுள்ளதாக மாவட்ட நிர்வாகம் தெரிவித்துள்ளது.
News November 30, 2025
திருச்சி: கஞ்சாவுடன் வசமாக சிக்கிய வாலிபர்கள்
திருச்சி – மதுரை தேசிய நெடுஞ்சாலையில் வளநாடு போலீசார் நேற்று வாகன தணிக்கையில் ஈடுபட்டிருந்தனர். அப்போது டூவீலர் ஒன்றை நிறுத்தி, அதில் வந்தவர்களை போலீசார் விசாரித்ததில் அவர்கள் முன்னுக்குப் பின் முரணாக பதில் அளித்துள்ளனர். இதையடுத்து அவர்களது பையை சோதனை செய்ததில், அதில் 2 கிலோ கஞ்சா இருப்பது தெரியவந்தது. அதனைத் தொடர்ந்து கடத்தலில் ஈடுபட்ட கனிமுகமது, கெளதம் ஆகியோரை போலீசார் கைது செய்தனர்.
News November 30, 2025
திருச்சி: தாய் இறந்த சோகத்தில் மாணவி தற்கொலை
ஸ்ரீரங்கம் புது தெருவை சேர்ந்தவர் கிருத்திகா (17). இவர் திருச்சியில் உள்ள தனியார் கல்லூரியில் முதலாம் ஆண்டு படித்து வந்துள்ளார். இந்நிலையில் கடந்த 5 மாதங்களுக்கு முன் இவரது தாயார் உடல் நலம் பாதிக்கப்பட்டு உயிரிழந்துள்ளார். இதனால் மிகுந்த சோகத்தில் இருந்து வந்த கிருத்திகா நேற்று முன்தினம் இரவு, துக்கம் தாங்காமல் தூக்கிட்டு தற்கொலை செய்து கொண்டார். இது குறித்து ஸ்ரீரங்கம் போலீசார் விசாரிக்கின்றனர்.