News April 23, 2025
புதுவை: சிறுமி பாலியல் வன்கொடுமை-20 வருட சிறை
புதுச்சேரியில் 15 வயது சிறுமியை காதலிப்பதாகக் கூறி பாலியல் வன்கொடுமை செய்த வழக்கில், விழுப்புரத்தைச் சேர்ந்த ராஜேஷ் (25) என்பவருக்கும், வீடு கொடுத்து உதவிய அவரது நண்பர் கதிர்வேல் (29) என்பவருக்கும் தலா 20 ஆண்டு சிறை தண்டனை விதித்து புதுச்சேரி போக்சோ நீதிமன்றம் தீர்ப்பு வழங்கியுள்ளது. மேலும், பாதிக்கப்பட்ட சிறுமிக்கு ரூ.4 லட்சம் வழங்க புதுச்சேரி அரசுக்கு, பரிந்துரையும் செய்யப்பட்டுள்ளது.
Similar News
News November 30, 2025
புதுச்சேரி: சூறைக்காற்றுடன் மழைக்கு வாய்ப்பு
வங்கக் கடலில் உருவாகியுள்ள ‘டிட்வா’ புயல் காரணமாக, புதுவை மற்றும் காரைக்கால் மாவட்டத்தில் கடந்த 2 நாட்களாக மழை வெளுத்து வாங்கி வருகிறது. இந்நிலையில் நாகையில் இருந்து சுமார் 150 கி.மீ தொலைவில் நிலைகொண்டுள்ள டிட்வா புயல் காரணமாக, புதுசேரி மாநிலத்தில் ஓரிரு பகுதிகளில் இன்று (நவ.30) காலை 10 மணி வரை பலத்த காற்றுடன் கூடிய லேசானது முதல் மிதமான மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.
News November 30, 2025
புதுச்சேரியில் ஐந்தாம் எண் புயல் எச்சரிக்கை கூண்டு ஏற்றம்
வங்கக் கடலில் உருவான டிட்வா புயல் எச்சரிக்கை காரணமாக புதுச்சேரியில் தொடர்ந்து கடந்த சில நாட்களாக கனமழை பெய்து வருகிறது. இந்நிலையில் நேற்று காலை தொடங்கிய கனமழை தொடர்ந்து பெய்து வருகிறது. அதனைத் தொடர்ந்து டிட்வா புயல் நெருங்கும் நேரத்தில் புதுச்சேரி துறைமுகத்தில் ஐந்தாம் எண் புயல் எச்சரிக்கை கொண்டு ஏற்றப்பட்டுள்ளது. மேலும் கடற்கரைக்கு அருகில் யாரும் செல்ல வேண்டாம் என போலீசார் எச்சரித்து வருகின்றனர்.
News November 30, 2025
புதுச்சேரியில் அனைத்து மதுக்கடைகளையும் மூட உத்தரவு
புதுச்சேரியில் ‘டிக்வா’ புயல் காரணமாக இடைவிடாத மழை பெய்துவரும் நிலையில், சாராயக் கடைகள், அயல்நாட்டு மதுபானக் கடைகள் மற்றும் பார்கள் என அனைத்தையும் மூட மாவட்ட ஆட்சியர் குலோத்துங்கன் உத்தரவிட்டுள்ளார். மேலும் டித்வா புயல் காரணமாக இடைவிடாத கனமழை பெய்து வருவதால், பொதுமக்களின் பாதுகாப்பைக் கருத்தில் கொண்டு அனைத்து மதுக்கடைகளையும் மூட மாவட்ட ஆட்சியர் குலோத்துங்கன் உத்தரவிட்டுள்ளார்.