News November 12, 2024
புதிய பாம்பன் ரயில் பாலத்தில் 2 நாட்கள் ஆய்வு
புதிய பாம்பன் பாலத்தில் நவ.13, 14 ஆகிய 2 நாட்கள் தெற்கு ரயில்வே பாதுகாப்பு ஆணையர் சவுத்ரி ஆய்வு மேற்கொள்ள உள்ளதாக தென்னக ரயில்வே மதுரை கோட்டம் அறிவித்துள்ளது. நவ.13ஆம் தேதி மண்டபம் – பாம்பன் இடையே ரயில்வே வழித்தடத்திலும் நவ.14ம் தேதி புதிய பாம்பன் பாலத்திலும் ஆய்வு செய்கிறார். மேலும் நவ.14ம் தேதி புதிய பாம்பன் ரயில் பாலத்தில் காலை 8 மணி முதல் மாலை 3 மணி வரை அதிவேக ரயில் சோதனை ஓட்டம் நடைபெறும்
Similar News
News November 19, 2024
தமிழக ஊரக வளர்ச்சி, ஊராட்சி துறை இயக்குனர் வருகை
ஆறாவது நிதிக்குழுத் தலைவர் அர்விந்த் பனகாரியா தலைமையிலான குழு ராமநாதபுரம் நகர் வளர்ச்சி திட்ட பணிகள் குறித்து நாளை ஆய்வு செய்ய உள்ளனர். இக்குழுவினருடன் இணைந்து ஆய்வு செய்ய தமிழக ஊரக வளர்ச்சி, ஊராட்சி துறை இயக்குனர் பொன்னையா இன்று ராமநாதபுரம் வந்தார். அவரை மாவட்ட ஊரக வளர்ச்சித் துறை அலுவலர் சங்க நிர்வாகிகள் சந்தித்தனர். கூடுதல் இயக்குனர் சுமதி, கூடுதல் ஆட்சியர் வீர் பிரதாப் சிங் உடனிருந்தனர்.
News November 19, 2024
ஆறாவது நிதிக்குழுவினரின் பயணத்திட்டம்
நாட்டின் 6 ஆவது நிதிக் குழுத்தலைவர் அர்விந்த் பனகாரியா தலைமையில் குழுவினர் நாளை (நவ.20) ராமநாதபுரம் வருகின்றனர். இக்குழுவினர் இன்றிரவு 7 மணியளவில் ராமநாத சுவாமியை தரிசனம் செய்கின்றனர். நாளை காலை 6 – 8 மணி வரை தனுஷ்கோடி செல்கின்றனர். 10:15 – 11:15 மணி வரை ராமநாதபுரம் நகராட்சி வளர்ச்சி திட்டப்பணிகள், மதியம் 12:45 மணியளவில் கீழடி அகழாய்வு பணிகளை ஆய்வு செய்ய உள்ளனர்.
News November 19, 2024
ரூ.10.20 கோடி மதிப்பில் நலத்திட்ட உதவிகள்
கூட்டுறவுத்துறை சார்பில், 71 ஆவது கூட்டுறவு வார விழா இன்று(நவ.19) ஆட்சியர் சிம்ரன் ஜீத் சிங் காலோன் தலைமையில் நடைபெற்றது. இதில் ரூ.10.20 கோடி மதிப்பில் நலத்திட்ட உதவிகளை பால்வளத்துறை அமைச்சர் ராஜகண்ணப்பன் வழங்கினார். எம்எல்ஏக்கள் காதர் பாட்ஷா முத்துராமலிங்கம், முருகேசன், ராமநாதபுரம் நகராட்சி தலைவர் கார்மேகம், துணைத்தலைவர் பிரவீன் தங்கம் இணைப்பதிவாளர் ஜினு உள்பட பலர் பங்கேற்றனர்.