News October 28, 2024
நாளை முதல் கடற்கரை – வேளச்சேரி பறக்கும் ரயில் சேவை
ரயில் பராமரிப்பு பணிகள் காரணமாக சென்னை கடற்கரை – வேளச்சேரி இடையேயான பறக்கும் ரயில் சேவைகள் கடந்த 27 ஆகஸ்ட் 2023 முதல் தற்காலிகமாக நிறுத்தப்பட்டது. வேளச்சேரி – சிந்தாதரிப்பேட்டை வரை மட்டுமே ரயில்கள் இயக்கப்பட்டு வந்தது. இந்நிலையில் பராமரிப்பு பணிகள் நிறைவடைந்ததால், நாளை முதல் வழக்கம்போல் கடற்கரை – வேளச்சேரி வரை பறக்கும் ரயில் சேவை இயங்கும் என்று தெற்கு ரயில்வே சார்பில் அறிவிப்பு வெளியாகியுள்ளது.
Similar News
News November 20, 2024
மாஞ்சா நூல் சோதனையில் காவல்துறையினர்
சென்னையில் குழந்தை உட்பட 2 பேரின் கழுத்தை மாஞ்சா நூல் அறுத்ததைத் தொடர்ந்து காவல்துறையினர் தொடர் சோதனையில் ஈடுபட்டுள்ளனர். மாஞ்சா நூல் விற்பனை குறித்து புதிய தகவல்களும் வெளியாகி வருகின்றன. அண்மை காலங்களில் குறைந்து இருந்த மாஞ்சா பட்டம் கலாச்சாரம் மீண்டும் தலைதூக்கியுள்ளது. கடந்த 17ஆம் தேதி மாஞ்சா பட்டத்தின் நூல் அறுத்ததில் இரண்டரை வயது குழந்தை உட்பட இருவரின் கழுத்து அறுப்பட்டனர்.
News November 20, 2024
FIBA ஆசிய கோப்பை கூடைப்பந்து போட்டிக்கு அனுமதி இலவசம்
நேரு உள்விளையாட்டு அரங்கத்தில் வரும் நவம்பர் 22 மற்றும் 25 ஆகிய தேதிகளில் FIBA ஆசிய கோப்பை கூடைப்பந்து தகுதிச்சுற்று போட்டிகள் நடைபெற உள்ளன. இந்த போட்டிகளை, பொதுமக்கள் இலவசமாக பார்க்கலாம் என்று இந்திய கூடைப்பந்து சம்மேளனம் அறிவித்துள்ளது.
News November 20, 2024
BMW கார் மோதி ரேபிடோ ஊழியர் பலி
சென்னையில் BMW சொகுசு கார் மோதிய விபத்தில் ரேபிடோ ஊழியர் உயிரிழந்த சம்பவம் பெரும் சோகத்தை ஏற்படுத்தியுள்ளது. மதுரவாயல் – தாம்பரம் நெடுஞ்சாலையில் அதிவேகமாக வந்த சொகுசு கார், டூவீலர் மீது பலமாக மோதியது. இதில், பாண்டி பஜாரைச் சேர்ந்த பிரதீப் குமார் என்ற ரேபிடோ ஊழியர் 100 மீட்டர் தூரம் தூக்கி வீசப்பட்டு உயிரிழந்தார். 1 மணி நேர தேடுதலுக்கு பின், புதரில் இருந்து அவரது உடலை போலீசார் மீட்டனர்.