News May 16, 2024
நாளை பேச்சிப்பாறை அணை திறப்பு..?
மலையோரப்பகுதிகளில் தொடர்ந்து மழை பெய்து வருவதால் கன்னியாகுமரி மாவட்ட அணைகளில் நீர்மட்டம் கிடுகிடுவென உயர்ந்து வருகிறது. இதனால் பேச்சிப்பாறை அணைக்கட்டில் 42 அடி நீரையும், பெருஞ்சாணி அணையில் 70 அடி நீரையும் தேக்கி வைக்க பொதுப்பணித்துறைக்கு மாவட்ட கலெக்டர் ஸ்ரீதர் உத்தரவிட்டுள்ளார். இதனால் நாளை பெரும்பாலும் அணையின் மறுகால் திறக்கப்பட்டு உபரி நீர் வெளியேற்றப்படும் என எதிர்பார்க்கப்படுகிறது.
Similar News
News December 13, 2025
குமரி: மனைவியை கத்தியால் குத்திய கணவன்!
களக்காடு SN பள்ளிவாசல் பகுதியை சேர்ந்த லிங்கம், ராணி தம்பதியினர் குமரி கடற்கரை சாலையில் டீ கடை நடத்தி வந்தனர். இருவரும் குடும்ப தகராறில் பேசாமல் இருந்தனர். இந்நிலையில் கடையில் இருந்த ராணியிடம் லிங்கம் சிலருடன் வந்து தகராறு செய்துள்ளார். இருவருக்கும் வாக்குவாதம் முற்றிய நிலையில் ராணியை லிங்கம் கத்தியால் குத்திவிட்டு ஓடினார். காயமடைந்த ராணி GHல் அனுமதிக்கப்பட்டார். இதுகுறித்து போலீசார் விசாரணை.
News December 13, 2025
குமரில் ராணுவவீரர் உடல் கருகி உயிரிழப்பு!
புதுக்கடை கீழ்குளம் பொத்தியான்விளை பகுதியை சேர்ந்தவர் ஜோஸ். ஓய்வுபெற்ற ராணுவவீரர். கடந்த வாரம் பைக்கில் கடைக்கு செல்வது தொடர்பாக மனைவிக்கும் இவருக்கும் இடையே தகராறு ஏற்பட்டது. இதனால் ஆத்திரம் அடைந்த ஜோஸ் பைக் மீது மண்ணெண்ணை ஊற்றி தீ வைத்த போது அவர் உடலில் தீ பற்றியது. உடல் கருகிய நிலையில் காயமடைந்த அவர் GHல் அனுமதிக்கப்பட்ட நிலையில் நேற்று முன் தினம் உயிரிழந்தார். இதுகுறித்து போலீசார் விசாரணை.
News December 12, 2025
1,53,664 விண்ணப்பங்கள் திரும்பி வரவில்லை – ஆட்சியர்
குமரி மாவட்டத்தில் எஸ்.ஐ.ஆர் கணக்கீட்டு படிவப்பணிகள் முடிவடைந்த நிலையில், மொத்தமாக 1,53,664 படிவங்கள் மட்டுமே திரும்ப பெறப்படாமல் உள்ளதாக மாவட்ட தேர்தல் அலுவலர் மற்றும் ஆட்சியர் அழகுமீனா தெரிவித்தார். இது விநியோகிக்கப்பட்ட மொத்த படிவங்களின் 9.65% ஆகும்.
15.92 லட்சம் வாக்காளர்களில் 14.39 லட்சம் பேரின் படிவங்கள் இணையத்தில் பதிவேற்றம் செய்யப்பட்டுள்ளன.