News October 25, 2024
த.வெ.க. மாநாடு: பாதுகாப்புப் பணியில் 6,000 போலீசார்
விக்கிரவாண்டி அடுத்த வி.சாலையில் நாளை மறுநாள் (அக்.27) தமிழக வெற்றிக் கழகத்தின் முதல் மாநில மாநாடு நடைபெறவுள்ளது. மாநாட்டை பாதுகாப்பாக நடத்தி முடிக்க, சுமார் 6,000 போலீசார் ஈடுபட உள்ளதாக காவல்துறை வட்டாரங்கள் தெரிவித்தன. மாநாட்டுப் பகுதியில் நேற்று இரவு பெரியார், காமராஜர், பி.ஆர்.அம்பேத்கர் ஆகியோரின் கட்-அவுட்டுகளுடன் தமிழக வெற்றிக் கழகத்தின் தலைவர் விஜய்யின் கட்-அவுட்டும் வைக்கப்பட்டுள்ளது.
Similar News
News November 29, 2025
விழுப்புரம்: கால் நனைக்க சென்ற முதியவருக்கு ஏற்பட்ட சோகம்!
விழுப்புரம்: காணை அருகிலுள்ள சோழகனூர் புதுகாலனியைச் சேர்ந்தவர் மொ.வீரமுத்து(84). இவர் நேற்று முன்தினம் அதே கிராமத்திலுள்ள ஏரியில் கால்களை நனைக்க சென்றுள்ளார். அப்போது எதிர்பாராதவிதமாக வீரமுத்து ஆழமான பகுதியில் தவறி விழுந்து, நீரில் மூழ்கி உயிரிழந்தார். இதுகுறித்து தகவலறிந்த காணை போலீஸார், முதியவரின் சடலத்தை மீட்டு வழக்குப் பதிந்து, விசாரித்து வருகின்றனர்.
News November 29, 2025
விழுப்புரம்: கணவன், மனைவி சண்டை – மனைவி விபரீத முடிவு!
விழுப்புரம்: சு.பில்ராம்பட்டைச் சேர்ந்தவர் வெங்கட்ராமன். இவரது மனைவி நந்தினி (21). இவர்களுக்கு திருமணமாகி 4 ஆண்டுகள் ஆகிறது. குழந்தை இல்லை. இந்நிலையில் கணவன்-மனைவிக்கிடையே சில மாதங்களாக குடும்ப பிரச்சினை ஏற்பட்டு வந்தது. இதனால், மனமுடைந்த நந்தினி, வீட்டில் யாரும் இல்லாத நேரத்தில் தூக்குப்போட்டு தற்கொலை செய்துகொண்டார். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.
News November 29, 2025
விழுப்புரத்தில் இன்று பள்ளிகளுக்கு மட்டும் விடுமுறை!
வங்கக் கடலில் நிலவும் ‘திட்வா’ புயல் காரணமாக விழுப்புரம் மாவட்டத்திற்கு வானிலை ஆய்வு மையம் இன்று (நவ.29) ரெட் அலெர்ட் எச்சரிக்கை விடுத்துள்ளது. இதன் காரணமாக விழுப்புரம் மாவட்ட பள்ளிகளுக்கு மட்டும் விடுமுறை அளித்து மாவட்ட ஆட்சியர் ஷேக் அப்துல் ரஹ்மான் உத்தரவிட்டுள்ளார். SHARE NOW!