News February 16, 2025
திருவாரூர்:மின் நுகர்வோர் குறை தீர்க்கும் கூட்டம்
திருவாரூர் மின்வாரிய செயற்பொறியாளர் அலுவலகத்தில் திருவாரூர் கோட்ட மின் நுகர்வோர் குறைதீர் நாள் கூட்டம் வரும் 21ஆம் தேதி நடக்கிறது. அதன்படி காலை 11 மணியளவில் மேற்பார்வை பொறியாளர் தலைமையில் நடைபெறும். இதில் திருவாரூர், கச்சனம், அடியக்கமங்கலம், கொரடாச்சேரி, குடவாசல், நன்னிலம், ஶ்ரீவாஞ்சியம், ஆலங்குடி, வலங்கைமான், பேரளம் ஆகிய பகுதிக்கு உட்பட்டவர்கள் பங்கேற்று பயன்பெறலாம் என தெரிவிக்கப்பட்டுள்ளது.
Similar News
News November 29, 2025
திருவாரூர்: மத்திய பல்கலைக்கழகத்திற்கு விடுமுறை
டிட் வா புயல் முன்னெச்சரிக்கை நடவடிக்கையாக திருவாரூர் அருகே உள்ள நீலக்குடி மத்திய பல்கலைக்கழகத்திற்கு, இன்று (நவ 29) விடுமுறை அளிக்கப்பட்டுள்ளது. மேலும் பல்கலைக்கழகத்தில் சிறப்பு வகுப்புகள் நடத்தப்பட மாட்டாது எனவும் பல்கலைக்கழகத்தின் சார்பில் அறிவிக்கப்பட்டுள்ளது. குறிப்பாக திருவாரூர் மாவட்டத்திற்கு அதிக கன மழை பெய்யக்கூடும் என வானிலை மையம் எச்சரிக்கை விடுத்ததால் அறிவிக்கப்பட்டுள்ளது.
News November 29, 2025
திருவாரூர் மாவட்ட பள்ளி மற்றும் கல்லூரிகளுக்கு விடுமுறை
தற்போது வங்கக்கடலில் இலங்கை அருகே டிட்வா புயல் உருவாகி உள்ளதால் திருவாரூர் மாவட்டம் முழுவதும் பரவலாக கனமழை மூன்று தினங்கள் இருக்கும் என வானிலை ஆய்வு மையம் அறிவித்துள்ளது இதனால் இன்று கனமழை பெய்து வருகிறது இதனால் திருவாரூர் மாவட்டத்தில் பள்ளி மற்றும் கல்லூரிகளுக்கு விடுமுறை அளித்து மாவட்ட ஆட்சியர் தலைவர் மோகனசந்திரன் அறிவித்துள்ளார்
News November 29, 2025
தாயுமானவர் திட்டத்தின் கீழ் குடிமை பொருட்கள் விநியோகம்
திருவாரூர் மாவட்டத்தில் முதலமைச்சரின் தாயுமானவர் திட்டத்தின் கீழ் டிசம்பர் மாதத்திற்கு 2.12.2025 மற்றும் 3.12.2025 ஆகிய நாட்களில் 65 வயதுக்கு மேல் உள்ள குடும்ப அட்டைதாரர்கள் மற்றும் மாற்றுத்திறனாளிகளின் வீட்டிற்கு சென்று குடிமைப் பொருட்கள் விநியோகம் செய்யப்பட உள்ளது. தகுதி உடைய குடும்ப அட்டைதாரர்கள் இத்திட்டத்தினை பயன்படுத்தி பயனடைமாறு மாவட்ட ஆட்சியர் மோகனச்சந்திரன் கேட்டு கொண்டுள்ளார்.