News January 28, 2025

திருப்புவனம் காவல் நிலையம் எதிரே பைக் திருட்டு

திருப்புவனம் காவல் நிலையம் எதிர்புறம் பங்களா தெருவை சேர்ந்தவர் செந்தில்குமார். மார்க்கெட்டிங்கில் பணி புரியும் இவர் தனது இருசக்கர வாகனத்தை (TN.63.JC.5683) ஜன.26ஆம் தேதி இரவு வீட்டு வாசலில் நிறுத்திவிட்டு உறங்கச் சென்றுள்ளார். மறுநாள் பார்த்தபோது காணவில்லை. அதிர்ச்சி அடைந்த செந்தில்குமார் இது சம்பந்தமாக காவல் நிலையத்தில் புகார் கொடுத்துள்ளார். திருப்புவனம் காவல்துறை விரைந்து விசாரித்து வருகிறது.

News May 8, 2025

ரூ.1 லட்சம் வழங்கிய நடிகர் ராகவா லாரன்ஸ்

பூவந்தி அருகே கிளாதரி கக்ணாம்பட்டியை சேர்ந்த குமார், முத்துகருப்பி தம்பதியினர் தனது குழந்தைகளின் காதணி விழாவிற்காக ரூ.1 லட்சம் பணத்தை சேமித்து ஒரு தகர டப்பாவில் போட்டு மண்ணில் புதைத்து வைத்திருந்தனர். கடந்த சில தினங்களுக்கு முன்பு அதை பார்க்கும் பொழுது பணம் கரையான்களால் பறிக்கப்பட்டிருந்ததை கண்டு வேதனை அடைந்தனர். இதை அறிந்த நடிகர் ராகவா லாரன்ஸ் இன்று தம்பதியை நேரில் அழைத்து ரூ.1 லட்சம் வழங்கினார்.