News April 18, 2024
தாளவாடி: 5 ஆயிரம் வாழைகள் முறிந்து சேதம்
தாளவாடி பகுதியில் இன்று பலத்த சூறைக்காற்றுடன் மிதமான மழை பெய்தது. இதனால், தாளவாடி பகுதியில் சுமார் 5000க்கும் மேற்பட்ட வாழை மரங்கள் முறிந்து சேதமடைந்தன. அறுவடைக்கு சில நாட்களே இருந்த நிலையில் வாழை மரங்கள் முறிந்து சேதம் அடைந்ததால் பல லட்சம் நஷ்டம் ஏற்பட்டுள்ளதாக விவசாயிகள் வேதனை தெரிவித்துள்ளனர். சேதமடைந்த வாழை மரங்களுக்கு தமிழக அரசு நிவாரணம் வழங்க கோரிக்கை வைத்துள்ளனர்.
Similar News
News November 20, 2024
ஈரோடு வேளாண் குறைதீர்க்கும் நாள் கூட்டம் ஒத்திவைப்பு
ஈரோட்டில் 20.11.2024 அன்று நடைபெற இருந்த குறைதீர்க்கும் நாள் கூட்டம் நிர்வாக காரணங்களால் ஒத்தி வைக்கப்பட்டுள்ளது என ஈரோடு வருவாய் கோட்டாட்சியர் தெரிவித்துள்ளார். மீண்டும் 22.11.2024 அன்று முற்பகல் 11.00 மணி அளவில் மாவட்ட ஆட்சியர் அலுவலகத்தில் நடைபெறும் என தெரிவித்துள்ளார். இக்கூட்டத்தில் அனைத்து விவசாயிகளும் கலந்து கொள்ளலாம் என தெரிவிக்கப்பட்டுள்ளது.
News November 20, 2024
சத்தியமங்கலத்தில் பூக்கள் விலை கிடுகிடு உயர்வு
சத்தியமங்கலம் கரட்டூர் பூ மார்க்கெட் இயங்கிவருகிறது. இந்த மார்க்கெட்டில் தினமும் காலை 7 மணி முதல் மாலை 4 மணி வரை பூக்கள் ஏலம் நடைபெறும். அதன்படி இன்றும் (நவ. 20) பூக்கள் ஏலம் நடந்தது. இந்த ஏலத்திற்கு சத்தியமங்கலம்,சுற்றுவட்டார பகுதிகளில் இருந்து விவசாயிகள் சுமார் 8 டன் பூக்களை விற்பனைக்காக கொண்டு வந்திருந்தனர். நிலவரம்:கிலோக்கு மல்லிகை: 1200/1900 முல்லை: 720/850 காக்கடா: 550/650 க்கு விற்பனையானது.
News November 20, 2024
புதிய தொழிலாளர் உதவி ஆணையர் பொறுப்பேற்பு
ஈரோடு மாவட்ட தொழிலாளர் உதவி ஆணையராக பணியாற்றிய (அமலாக்கம்) திருஞானசம்பந்தம், ஈரோடு தொழிலாளர் உதவி ஆணையராக (சமரசம்) பணி மாற்றம் செய்யப்பட்டார். இந்நிலையில், நாமக்கல் மாவட்ட தொழிலாளர் உதவி ஆணையராக பணியாற்றிய ஜெயலட்சுமி, ஈரோடு தொழிலாளர் உதவி ஆணையராக (அமலாக்கம்) நேற்று பொறுப்பேற்று கொண்டார். அவருக்கு தொழிலாளர் துறையினர் வாழ்த்துகள் தெரிவித்தனர்.