News March 28, 2025
தஞ்சையில் இன்று எஸ்எஸ்எல்சி பொது தேர்வுகள்

தமிழகத்தில் எஸ்.எஸ்.எல்.சி. பொதுத்தேர்வு இன்று (வெள்ளி) தொடங்கி (ஏப்ரல்) 15-ந்தேதி வரை நடைபெறுகிறது. முதல் நாளான இன்று தமிழ் தேர்வு காலை 10 மணிக்கு தேர்வு தொடங்கி மதியம் 1.15 மணி வரை நடைபெறுகிறது. தஞ்சை மாவட்டத்தில் இந்த தேர்வினை 136 மையங்களில் 30,017 மாணவர், மாணவிகள் எழுதுகிறார்கள். இதில் 14,409 மாணவர்களும், 15,108 மாணவிகளும் அடங்குவர். தனித்தேர்வர்கள் 500 பேரும் தேர்வு எழுதுகின்றனர்.
Similar News
News November 29, 2025
தஞ்சாவூர்: வீட்டின் கழிவறையில் புகுந்த 6 அடி பாம்பு

கும்பகோணம் டாக்டர் பெசன்ட் ரோடு பகுதியில் ரங்கையன் என்பவர் வீட்டின் தோட்டத்தில் உள்ள கழிவறையில் பாம்பு ஒன்று புகுந்தது. இதுகுறித்து தீயணைப்பு துறையினருக்கு தகவல் தெரிவித்ததை அடுத்து, தீயணைப்புத் துறையினர் கழிவறையில் பதுங்கி இருந்த சுமார் 6 அடி நீளமுள்ள சாரை பாம்பை நவீன பாம்பு பிடிக்கும் உபகரணங்களை கொண்டு லாவகமாக பிடித்து பாதுகாப்பாக கொண்டு சென்றார்.
News November 29, 2025
தஞ்சாவூர்: அதிரடி தீர்ப்பு வழங்கிய நீதிமன்றம்

நாச்சியார்கோவில் காவல் நிலையத்திற்குட்பட்ட பகுதியில் கடந்த 2023-ம் வருடம் 11 வயது சிறுமிக்கு பாலியல் தொந்தரவு கொடுத்ததாக அவரது அப்பா ராஜாராமன் என்பவர் அளித்த புகாரின் அடிப்படையில், போலீசார் கூகூரைச் சேர்ந்த சதீஸ்குமார் என்பவரை கைது செய்தனர். இவ்வழக்கு தஞ்சாவூர் POCSO நீதிமன்றத்தில் நடைபெற்று வந்தது. இந்நிலையில், நேற்று நீதிபதி தமிழரசி, சதீஸ்குமாருக்கு 17 வருட சிறை தண்டனை வழங்கி உத்திரவிட்டார்.
News November 29, 2025
தஞ்சவூர்: டிட்வா புயல் – எச்சரிக்கை

தஞ்சாவூர் மாவட்டத்தில் உள்ள அதிராம்பட்டினம் மற்றும் அதன் சுற்றுவட்டார பகுதிகளில் உள்ள மீனவர்கள் இன்று (டிச.29) கடலுக்கு செல்ல வேண்டாம் என்று கடலோர பாதுகாப்பு துறை காவலர்கள் சார்பாக அறிவிக்கப்பட்டுள்ளது. டிட்வா புயல் காரணமாக அதிக காற்றின் கடல் சீற்றத்துடன் காணப்படுவதாலும், அதிக உயரத்தில் அலை வீசுவதாலும் மீனவர்கள் பாதுகாப்புக்காக இந்த அறிவிப்பு விடுக்கப்பட்டுள்ளது.


