News April 19, 2024
ஜனநாயக கடமை ஆற்றிய ராமநாதபுரம் கலெக்டர்
பாராளுமன்ற பொதுத்தேர்தல் 2024ஐ முன்னிட்டு, ராமநாதபுரம் மாவட்ட தேர்தல் அலுவலரும், மாவட்ட ஆட்சியருமான விஷ்ணு சந்திரன் இன்று தனது வாக்கினை ராமநாதபுரம் சட்டமன்ற தொகுதிக்குட்பட்ட ராமநாதபுரம் ஸ்வார்ட்ஸ் மேல்நிலைப்பள்ளியில் பதிவு செய்தார். பின்னர் பொதுமக்கள் அனைவரும் இன்று தங்களது ஜனநாயக கடமையை ஆற்றுமாறு வேண்டுகோள் விடுத்தார்.
Similar News
News November 20, 2024
இராமநாதபுரத்தில் நவ.29இல் பேச்சுப்போட்டி – ஆட்சியர் தகவல்
ராமநாதபுரம் மாவட்ட பள்ளி, கல்லூரி மாணவர்களுக்கு ஜவகர்லால் நேரு பிறந்த நாள் பேச்சுப்போட்டி நவ.29இல் நடைபெற உள்ளது. மாவட்ட இப்போட்டியில் பங்கேற்று முதல் 3 இடம் பெறுவோருக்கு பரிசு, அரசு பள்ளி மாணவர் இருவருக்கு சிறப்பு பரிசு வழங்கப்பட உள்ளது. பள்ளிக்கு ஒருவர், கல்லூரிக்கு இருவர் இப்போட்டியில் பங்கேற்கலாம். 04567-232130 என்ற எண்ணில் என ஆட்சியர் சிம்ரன் ஜீத் சிங் காலோன் தெரிவித்துள்ளார்.
News November 20, 2024
இலங்கை அரசின் முடிவால் மீனவர்கள் அதிர்ச்சி!
இலங்கை அரசின் புதிய முடிவு ராமேஸ்வரம் மீனவர்களுக்கு அதிர்ச்சியை ஏற்படுதியுள்ளது. தமிழக மீனவர்களின் படகுகளை இலங்கை கடற்படை பயன்படுத்திகொள்ள அந்நாட்டு அரசு ஒப்புதல் அளித்து, மன்னாரில் இருந்து 5 படகுகள், யாழ்பாணத்தில் இருந்து 8 படகுகள் என மொத்தம் 13 படகுகள் கடற்படையிடம் கொடுக்கப்பட்டுள்ளன. இலங்கையின் இந்த அறிவிப்பால் ராமேஸ்வரம் உள்ளிட்ட தமிழக மீனவர்கள் பெரும் சோகத்திற்கு ஆளாகியுள்ளனர்.
News November 20, 2024
இராமநாதபுரத்தில் மழை தொடரும்!
இராமநாதபுரம் உட்பட 13 மாவட்டங்களில் மழை தொடரும் என சென்னை வானிலை ஆய்வு மையம் தெரிவித்துள்ளது. வட கிழக்கு பருவமழை தொடங்கியது முதல் தென் மாவட்டங்களில் அவ்வப்போது மழை பெய்து வருகிறது. தொடர் மழையால் இன்று(நவ.,20) இதுவரை 5 மாவட்டங்களுக்கு விடுமுறை அளிக்கப்பட்டுள்ளதும் குறிப்பிடத்தக்கது. தொடர்ந்து மழை பெய்து வருவதால் வெளியில் செல்லும் மக்கள் முன்னெச்சரிக்கையுடன் செல்ல அறிவுறுத்தப்படுகின்றனர்.