News April 12, 2024

கொடியேற்றத்துடன் துவங்கியது சித்திரை திருவிழா

மதுரை மீனாட்சியம்மன் கோயில் சித்திரை திருவிழா இன்று கொடியேற்றத்துடன் துவங்கியது. முன்னதாக கொடிமரம், அதை சுற்றி உள்ள பகுதியில் வண்ண பூக்களால் அலங்கரிக்கப்பட்டு, சிறப்பு அலங்காரத்தில் சுந்தரேசுவரர்-மீனாட்சி ஆகியோர் கொடிமரம் முன்பு எழுந்தருளினர். தொடர்ந்து மேளதாளம் மற்றும் சிவச்சாரியார்கள் வேத மந்திரம் முழங்க கொடியேற்ற விழா நடைபெற்றது. இதில், திரளான பக்தர்கள் பங்கேற்றனர்.