News March 20, 2024
இஸ்ரோ இளம் விஞ்ஞானிகள் திட்டம்
மாணவர்களிடம் விண்வெளி அறிவியல் குறித்த ஆர்வத்தை ஏற்படுத்தும் நோக்கத்தில் ‘யுவிகா’ இளம் விஞ்ஞானிகள் திட்டத்தை 2019ல் இஸ்ரோ அறிமுகம் செய்தது. இதன்கீழ் மாணவர்கள் விஞ்ஞானிகளுடன் கலந்துரையாடல், செய்முறை விளக்கப் பயிற்சி அளிக்கப்படும். இந்தாண்டுக்கான பயிற்சிக் காலம் மே 13 – 24. விண்ணப்பிக்க இன்றே(மார்ச் 20) கடைசி நாள். தகுதி: 9ம் வகுப்பு மாணவர்கள் மட்டுமே. விண்ணப்பிக்க: jigyasa.iirs.gov.in/yuvika
Similar News
News November 29, 2025
தி.மலை: ரேசிங்கில் சென்ற பைக் மோதி முதியவர் பலி!
செங்கம் அருகே கரியமங்கலத்தில் சாலையைக் கடந்த முதியவர் மீது,புதுச்சேரியிலிருந்து பெங்களூரு நோக்கி அதிவேகமாகச் சென்ற மோட்டார் சைக்கிள் மோதியது. இதில் படுகாயமடைந்த அவர், மருத்துவமனைக்குச் செல்லும் வழியிலேயே பரிதாபமாக உயிரிழந்தார். தி.மலை-புதுச்சேரி தேசிய நெடுஞ்சாலையில் நடக்கும் அதிவேக ரேசிங்கால் அடிக்கடி விபத்துகள் ஏற்படுவதால், வாகனச் சோதனையைத் தீவிரப்படுத்த சமூக ஆர்வலர்கள் கோரிக்கை விடுத்துள்ளனர்.
News November 29, 2025
தி.மலை: மன வேதனையால் பெண் தற்கொலை!
வந்தவாசி அருகே இளங்காடு கிராமத்தைச் சேர்ந்த கன்னிகா (35) என்பவர் உடல்நலக் கோளாறால் அவதிப்பட்டு வந்தார். இதனால் மன உளைச்சலில் இருந்த அவர், வீட்டில் தூக்குப் போட்டு தற்கொலைக்கு முயன்றார். அவரை மீட்டு செங்கல்பட்டு அரசு மருத்துவமனையில் சேர்த்த நிலையில், சிகிச்சை பலனின்றி பரிதாபமாக உயிரிழந்தார். இச்சம்பவம் குறித்து பொன்னூர் போலீசார் வழக்குப்பதிவு செய்து விசாரணை நடத்தி வருகின்றனர்.
News November 29, 2025
திருவண்ணாமலை ஓட்டல்களில் அதிகாரிகள் ஆய்வு
வருகிற டிச.3ஆம் தேதி கார்த்திகை தீபத் திருவிழா கொண்டாடப்படவுள்ளது. இதனை முன்னிட்டு, தி.மலை மாவட்டம் முழுவதும் உணவு பாதுகாப்புத்துறை அதிகாரிகள் ஓட்டல்களில் நேற்று ஆய்வு மேற்கொண்டனர். திருவண்ணாமலை வரும் பக்தர்களுக்கு தரமான பாதுகாப்பான உணவு வழங்க வேண்டும், சரியான விலை பட்டியல் பொருத்தவேண்டும், உணவு கூடம் சுத்தமாகவும், தரமான தண்ணீர் ஆகியவை உள்ளதா என்பது குறித்தும் ஆய்வு செய்தனர்.