News August 16, 2024
அதிராம்பட்டினம் அருகே 13 வயது மாணவன் பலி
அதிராம்பட்டினம் அருகே உள்ள செங்கப்படுத்தாங்காடு பகுதியை சேர்ந்தவர் மணிகண்டன். இவருடைய மகன் வீரசக்தி (13). 8-ஆம் வகுப்பு படித்து வந்த சிறுவன் நேற்று தனது உறவினரான சக்தி முருகன் (13) என்ற மற்றொரு சிறுவனுடன் வீட்டின் அருகே உள்ள குளத்தில் குளிக்க சென்றுள்ளார். அப்போது எதிர்ப்பாராத விதமாக குளத்தில் இருந்த சேற்றில் சிக்கி சிறுவன் உயிரிழந்தான். இதுகுறித்து அதிராம்பட்டினம் போலீசார் விசாரித்து வருகின்றனர்.
Similar News
News November 29, 2025
தஞ்சாவூர் மாவட்டத்தை நெருங்கும் டிட்வா புயல்
வங்கக்கடலில் மையம் கொண்டுள்ள ‘டிட்வா’ புயல் தமிழகத்தை நோக்கி 8 கி.மீ வேகத்தில் நகர்ந்து வருகிறது. இலங்கை முல்லைதீவு அருகே நிலைகொண்டுள்ள புயலானது தஞ்சாவூரில் இருந்து சுமார் 100 கி.மீ தொலைவிலும், சென்னையில் இருந்து 400 கி.மீ தொலைவிலும் உள்ளது. புயலால் தஞ்சை, நாகை உள்ளிட்ட கடலோர மாவட்டங்களில் மணிக்கு 70 – 90 கி.மீ வேகத்தில் சூறைக்காற்று வீசக்கூடும் என தெரிவிக்கப்பட்டுள்ளது.
News November 29, 2025
தஞ்சாவூர்: வீட்டின் கழிவறையில் புகுந்த 6 அடி பாம்பு
கும்பகோணம் டாக்டர் பெசன்ட் ரோடு பகுதியில் ரங்கையன் என்பவர் வீட்டின் தோட்டத்தில் உள்ள கழிவறையில் பாம்பு ஒன்று புகுந்தது. இதுகுறித்து தீயணைப்பு துறையினருக்கு தகவல் தெரிவித்ததை அடுத்து, தீயணைப்புத் துறையினர் கழிவறையில் பதுங்கி இருந்த சுமார் 6 அடி நீளமுள்ள சாரை பாம்பை நவீன பாம்பு பிடிக்கும் உபகரணங்களை கொண்டு லாவகமாக பிடித்து பாதுகாப்பாக கொண்டு சென்றார்.
News November 29, 2025
தஞ்சாவூர்: அதிரடி தீர்ப்பு வழங்கிய நீதிமன்றம்
நாச்சியார்கோவில் காவல் நிலையத்திற்குட்பட்ட பகுதியில் கடந்த 2023-ம் வருடம் 11 வயது சிறுமிக்கு பாலியல் தொந்தரவு கொடுத்ததாக அவரது அப்பா ராஜாராமன் என்பவர் அளித்த புகாரின் அடிப்படையில், போலீசார் கூகூரைச் சேர்ந்த சதீஸ்குமார் என்பவரை கைது செய்தனர். இவ்வழக்கு தஞ்சாவூர் POCSO நீதிமன்றத்தில் நடைபெற்று வந்தது. இந்நிலையில், நேற்று நீதிபதி தமிழரசி, சதீஸ்குமாருக்கு 17 வருட சிறை தண்டனை வழங்கி உத்திரவிட்டார்.