News August 20, 2024
ஹரியானா தேர்தலில் களமிறங்கும் வினேஷ் போகத்?
பாரிஸ் ஒலிம்பிக் மல்யுத்தம் இறுதி போட்டியில் தகுதி நீக்கம் செய்யப்பட்ட வினேஷ் போகத் ஹரியானா சட்டமன்றத் தேர்தலில் போட்டியிட வாய்ப்புள்ளதாக அவரது உறவினர்கள் தெரிவித்துள்ளனர். அவரை களமிறக்க சில அரசியல் கட்சிகள் அவரிடம் பேசி வருவதாக தெரிவித்துள்ளனர். பஜ்ரங் புனியாவும் தேர்தலில் போட்டியிட உள்ளதாகவும், இவர்கள் இருவரும் பாஜக வேட்பாளரை எதிர்த்து காங்., சார்பில் போட்டியிட உள்ளதாகவும் கூறப்படுகிறது.
Similar News
News January 19, 2026
இனி ஜடேஜா வேண்டாம்..
NZ-க்கு எதிரான ODI தொடரில் ஜடேஜா மோசமான ஆட்டத்தை வெளிப்படுத்தியுள்ளார். 3 போட்டிகளையும் சேர்த்து வெறும் 43 ரன்களை மட்டுமே அடித்த அவர் ஒரு விக்கெட் கூட எடுக்கவில்லை. இதனால், கடுமையான விமர்சனங்களுக்கு உள்ளாகியுள்ள அவரை ODI அணியில் தேர்வு செய்ய வேண்டாம் என பலரும் கமெண்ட் செய்கின்றனர். மேலும், அவருக்கு பதிலாக அக்சர் படேலுக்கு வாய்ப்பளிக்கலாம் எனவும் சிலர் குறிப்பிடுகின்றனர். நீங்க என்ன சொல்றீங்க?
News January 19, 2026
அதிமுகவை வழிநடத்தும் CM ஸ்டாலின்: சேகர்பாபு
அதிமுக தேர்தல் வாக்குறுதியில், திமுகவின் முன்னெடுப்பை தான் பின் தொடர்ந்துள்ளதாக அமைச்சர் சேகர்பாபு தெரிவித்துள்ளார். பேட்டி ஒன்றில், சிந்தனையில் ஏதாவது இருந்தால் தானே புதிய திட்டங்களை சிந்திக்க முடியும்; அதிமுகவினருக்கு சிந்தனையில் ஒன்றுமே இல்லை என்றும் விமர்சித்துள்ளார். CM ஸ்டாலினின் வழிகாட்டுதலில் தான் அதிமுகவும் பயணிக்கிறது என்பதை இதிலிருந்து ஏற்றுக் கொள்ளலாம் என்றும் அவர் குறிப்பிட்டுள்ளார்.
News January 19, 2026
விஜய்யை பார்த்து எவ்வளவு பயம்: புகழேந்தி
EPS துரோகி என்ற பட்டம் பெற்றதால் மக்கள் அவரை ஏற்கவில்லை என பெங்களூரு புகழேந்தி கூறியுள்ளார். அதிமுக பலமிழந்து விட்டதாக கூறிய அவர், தற்போது களத்தில் திமுகவிற்கும் தவெகவிற்கும் இடையே தான் போட்டி என்றார். மேலும், ஜனநாயகனுக்கு சென்சார் அனுமதி மறுக்கப்பட்டதால், விஜய்யை பார்த்து எவ்வளவு பயம் ஏற்பட்டுள்ளது என்பது தெளிவாகிறது எனவும், இப்படத்தை வைத்து அரசியல் சூழ்ச்சி நடக்கிறது எனவும் தெரிவித்துள்ளார்.