News April 3, 2025
ரூ.13,800 கோடி கணக்கில் வராத சொத்து வெளிவந்தது
பனாமா பேப்பர்ஸ் கசிவு எதிரொலியாக இந்தியாவில் கணக்கில் வராத ரூ.13,800 கோடி மதிப்பு சொத்துகள் வெளிவந்துள்ளதாக தகவல் வெளியாகியுள்ளது. 2016இல் புலனாய்வு செய்தியாளர்கள் கூட்டமைப்பால் அரசியல்வாதிகள், தொழிலதிபர்கள் கணக்கில் காட்டாது மறைத்த சொத்துகள் வெளியிடப்பட்டன. இந்தியாவில் இதன் எதிரொலியாக பல ஆயிரம் கோடி சொத்துகள் வெளிவந்து ரூ.145 கோடி வரி வசூலிக்கப்பட்டு இருப்பதாக கூறப்படுகிறது.
Similar News
News January 16, 2026
₹85 கோடிக்கு சூர்யா படத்தை வாங்கிய நெட்ஃபிலிக்ஸ்
‘சூர்யா 46’ படத்தின் ஓடிடி உரிமத்தை ₹85 கோடிக்கு நெட்ஃபிலிக்ஸ் வாங்கியுள்ளதாக தகவல் வெளியாகியுள்ளது. சூர்யாவின் கடைசி படமான ‘ரெட்ரோ’, பாக்ஸ் ஆஃபிசில் சரியாக வசூல் செய்யவில்லை என்றாலும், அவரது கரியரில் அதிக தொகைக்கு விற்பனையான படமாக இது அமைந்துள்ளது. மேலும், ‘லக்கி பாஸ்கர்’ இயக்குநர் வெங்கி அட்லுரி இப்படத்தை இயக்குவதும் இவ்வளவு தொகைக்கு விற்பனையானதற்கு ஒரு காரணமாக உள்ளது.
News January 16, 2026
நாட்டின் நிதி தலைநகரத்தை கைப்பற்றும் பாஜக
மும்பை நகராட்சி தேர்தலில் பாஜக தலைமையிலான மஹாயுதி கூட்டணி தான் வெற்றி பெறும் என தேர்தலுக்கு பிந்தைய கருத்துக்கணிப்புகள் தெரிவித்துள்ளன. பாஜக + சிவசேனா (ஷிண்டே) 131-151, உத்தவ் + ராஜ் தாக்கரே கூட்டணி 58-68, காங்கிரஸ் 12-16 இடங்களையும் கைப்பற்றும் என Axis My India கணித்துள்ளது. 227 வார்டுகளுக்கு நேற்று நடந்த தேர்தலில் பதிவான வாக்குகள் இன்று காலை 10 மணிக்கு எண்ணப்பட உள்ளன.
News January 16, 2026
SKY குறித்த கருத்து.. ₹100 கோடி கேட்டு நடிகை மீது வழக்கு
SKY குறித்து ஆட்சேபனைக்குரிய கருத்து தெரிவித்ததாக அவரது ரசிகர் ஃபைசன் அன்சாரி என்பவர், நடிகை குஷி முகர்ஜி மீது ₹100 கோடிக்கு மானநஷ்ட வழக்கு தொடர்ந்துள்ளார். நடிகையின் கருத்து SKY-ன் மரியாதைக்கு களங்கம் விளைவித்ததாகவும், அதனால் நடிகையை 7 ஆண்டுகள் சிறை தண்டனை வழங்க வேண்டும் என்றும் ஃபைசன் வலியுறுத்தியுள்ளார். முன்னதாக, SKY தனக்கு அடிக்கடி மெசேஜ் அனுப்பியதாக நடிகை கூறியிருந்தார்.