News January 10, 2025
விஜய் இல்லாமல் நடக்கும் TVK ஆலோசனைக் கூட்டம்
பனையூரில் நடக்கும் TVK மாவட்ட பொறுப்பாளர்கள் கூட்டத்தில் விஜய் பங்கேற்கவில்லை. புஸ்ஸி ஆனந்த் தலைமையில் நடைபெறும் இந்தக் கூட்டத்தில் மாவட்டச் செயலாளர்கள் நியமனம், கட்சி உட்கட்டமைப்பு குறித்து ஆலோசனை நடத்தப்படவுள்ளது. அமைப்பு ரீதியாக 105 முதல் 110 மாவட்டச் செயலாளர்கள் நியமிக்க உள்ளதாகவும் கூறப்படுகிறது. அரசியல் ஆலோசகர் ஜான் ஆரோக்கியசாமி பேசியதாக வெளியான ஆடியோ குறித்தும் விவாதிக்கப்படவுள்ளது.
Similar News
News November 8, 2025
பிஹார் மக்களை திமுக இழிவுபடுத்தியது: அமித் ஷா
பிஹார் மக்களை பீடியுடன் ஒப்பிட்டு திமுக இழிவுபடுத்தியதாக கூறி அமித்ஷா பிரசாரத்தில் ஈடுபட்டார். தனக்கு பிடித்தமான CM என்று ஸ்டாலினை தேஜஸ்வி குறிப்பிட்டதாக பேசிய அமித்ஷா , அவரது கட்சியான திமுக சனாதன தர்மத்தை இழிவுபடுத்தியதாகவும், ராமர் கோவில் கட்டும் திட்டத்தை எதிர்த்ததாகவும் தெரிவித்துள்ளார். முன்னதாக, TN-ல் பிஹாரிகளை திமுகவினர் துன்புறுத்துவதாக PM மோடி பேசியிருந்தார் என்பது குறிப்பிடத்தக்கது.
News November 8, 2025
மதுவிலக்கை வலியுறுத்தி வைகோ நடைபயணம்
தமிழகத்தில் பூரண மதுவிலக்கு அமல்படுத்தவும், போதைப் பொருள்கள் பயன்பாட்டை எதிர்த்தும் நடைபயணம் மேற்கொள்ள இருப்பதாக வைகோ அறிவித்துள்ளார். மதுவின் பிடியில் இருந்து இளைய தலைமுறையினரை மீட்டு எடுக்க வேண்டும் என்ற நோக்கில் இந்த சமத்துவ நடைபயணம் இருக்கும் என அவர் கூறியுள்ளார். அடுத்த ஆண்டு ஜன.2-ல் தொடங்கும் இந்த நடைபயணத்தை மதுரையில் முடிக்க திட்டமிட்டுள்ளதாகவும் வைகோ பேசியுள்ளார்.
News November 8, 2025
அரசியலில் விஜய் ஒரு கத்துக்குட்டி: வீரலட்சுமி
தவெக செய்த ரெளடிசமே கரூரில் 41 பேர் உயிரிழக்க காரணம் என தமிழர் முன்னேற்ற படை வீரலட்சுமி சாடியுள்ளார். அரசியலில் விஜய் ஒரு கத்துக்குட்டி என விமர்சித்த அவர், களத்தில் நின்று மக்களை காப்பாற்றுபவர்களே நிஜ ஹீரோ என்றும், கரூர் துயருக்கு பிறகு தவெகவில் அனைவருமே ஓடி ஒளிந்துகொண்டதாக தெரிவித்துள்ளார். மேலும், மக்களுக்காக புரட்சிகரமான போராட்டம் நடத்தி, விஜய் சிறை செல்ல தயாரா என்று அவர் கேள்வி எழுப்பினார்.