News May 13, 2024
பலரது கனவிலும் ‘ஸ்டார்’ ஒளிர்கிறது
கவின் நடிப்பில் வெளியாகியுள்ள ‘ஸ்டார்’ படத்திற்கு கிடைத்து வரும் வரவேற்புக்கு இயக்குநர் இளன் நன்றி தெரிவித்துள்ளார். இதுகுறித்து அவர் வெளியிட்டுள்ள கடிதத்தில், திரையரங்குகளில் கிடைக்கும் கைத்தட்டலும், கரகோஷமும் ‘லவ் யூ’ என சொல்வதாகவே தோன்றுவதாகவும், பலரது கனவிலும் ஸ்டார் ஒளிர்வதாகவும் மகிழ்ச்சி தெரிவித்தார். படம் முடிந்தும் பலரும் எழுந்து செல்லாமல் அமர்ந்திருப்பதாகவும் அவர் நெகிழ்ந்துள்ளார்.
Similar News
News December 13, 2025
தீண்டாமையை ஒழிக்க போராடிய சாவர்க்கர்: அமித்ஷா
நாட்டில் தீண்டாமையை ஒழிக்க, சாவர்க்கர் மேற்கொண்ட முயற்சிகளுக்கு ஒருபோதும் அங்கீகாரம் கிடைக்கவில்லை என அமித்ஷா தெரிவித்துள்ளார். இந்து மதத்தில் இருந்த தீமைகளை அகற்ற அவர் போராடியதாகவும், இந்தியாவின் விடுதலை மற்றும் எதிர்காலத்தை அசைக்க முடியாத நம்பிக்கையை வைத்திருந்ததாகவும் அமித்ஷா கூறியுள்ளார். மேலும், அந்தமானில் சாவர்க்கர் அடைக்கப்பட்ட சிறை, தேசிய புனித தளமாக மாறியுள்ளதாகவும் தெரிவித்துள்ளார்.
News December 13, 2025
EPSTEIN FILES: டிரம்ப், பில்கேட்ஸ் புகைப்படங்கள் வெளியீடு
பாலியல் குற்றவாளி <<12420595>>ஜெஃப்ரி எப்ஸ்டீனின்<<>> எஸ்டேட்டில் இருந்து பெறப்பட்ட புகைப்படங்களை அமெரிக்காவின் எதிர்க்கட்சியான ஜனநாயக கட்சி வெளியிட்டுள்ளது. அதில் டிரம்ப், முன்னாள் அதிபர் பில் கிளிண்டன், பில் கேட்ஸ் உள்ளிட்ட அமெரிக்காவில் மிகவும் செல்வாக்கு பெற்ற நபர்கள் இடம்பெற்றுள்ளனர். இருப்பினும், இந்த போட்டோக்கள் எந்தவித சட்ட விரோத செயல்பாடுகளையும் குறிக்கவில்லை எனவும் ஜனநாயக கட்சி விளக்கம் அளித்துள்ளது.
News December 13, 2025
டி20 -ல் சாதனை.. ஒரே போட்டியில் 7 விக்கெட்கள்
பஹ்ரைன் வேகப்பந்து வீச்சாளர் அலி தாவூத், டி20-ல் வரலாற்று சாதனை படைத்துள்ளார். பூடானுக்கு எதிரான போட்டியில், 19 ரன்களை விட்டுக்கொடுத்து 7 விக்கெட்களை கைப்பற்றியுள்ளார். இதன்மூலம், டி20-ல் அதிக விக்கெட்கள் வீழ்த்திய 2-வது வீரர் என்ற சாதனையை படைத்துள்ளார். இந்த பட்டியலில், மலேசிய வீரர் ஷியஸ்ருல் இத்ருஸ் (7/8) முதலிடத்திலும், சிங்கப்பூர் வீரர் ஹர்ஷா பரத்வாஜ் (6/3) 3-ம் இடத்திலும் உள்ளனர்.