News January 14, 2025
சீமானுக்கு ஸ்கெட்ச்.. நாதக புகார்
தலைமை தேர்தல் அதிகாரி அர்ச்சனா பட்நாயக்கிடம் நாதக தலைமை நிலைய செயலாளர் செந்தில்குமார் புகார் மனு அளித்துள்ளார். ஈரோடு கிழக்கு தொகுதி இடைத்தேர்தல் பிரச்சாரத்தின் போது, சீமானுக்கு இடையூறு விளைவிக்க காங்கிரஸ் கட்சி திட்டமிட்டுள்ளதாகவும், அங்கீகரிக்கப்பட்ட மாநிலக் கட்சியின் தலைவரே தேர்தல் பரப்புரை செய்ய முடியாத அளவிற்கு ஜனநாயகம் கேள்விக்கு உள்ளாகியுள்ளதாகவும் அம்மனுவில் குறிப்பிடப்பட்டுள்ளது.
Similar News
News November 10, 2025
டிரம்ப்பால் அடுத்தடுத்து விலகிய BBC நிர்வாகிகள்!
டிரம்ப் குறித்த ஒரு ஆவணப்படத்தால், BBC 2 உயர் அதிகாரிகளை இழந்துள்ளது. டிரம்ப் 2021-ல் ஆற்றிய உரை, கேபிடல் ஹில் கலவரத்தை தூண்டும் விதமாக இருந்ததாக BBC ஆவணப்படம் வெளியிட்டது. ஆனால், 2 உரைகளை எடிட் செய்து தவறான பிம்பத்தை ஏற்படுத்தியதாக டிரம்ப் குற்றம்சாட்டிய நிலையில் விசாரணையில் நிரூபணமானது. இதற்கு பொறுப்பேற்று BBC டைரக்டர் ஜெனரல் டிம் டேவி, செய்திப்பிரிவு தலைவர் டெபோரா டர்னஸ் ராஜினாமா செய்துள்ளனர்.
News November 10, 2025
ஹீரோ to விஜய் வில்லன் வரை! அபிநய்யின் திரை வாழ்க்கை
பிரபல நடிகர் <<18247739>>அபிநய் <<>>இன்று காலமானார். ‘துள்ளுவதோ இளமை’ படத்தில் அறிமுகமான அவர், ஜங்ஷன், சிங்காரச் சென்னை போன்ற படங்களில் ஹீரோவாக நடித்துள்ளார். பிறகு தாஸ், வல்லவனுக்கு புல்லும் ஆயுதம், என்றென்றும் புன்னகை போன்ற படங்களில் முக்கிய வேடத்தில் நடித்துள்ளார். ‘துப்பாக்கி’ படத்தில் வித்யூத் ஜம்வாலுக்கு பின்னணி குரலும் கொடுத்தார். பிரபலமான 3 Roses, Oreo விளம்பரங்களிலும் அபிநய் நடித்துள்ளார்.
News November 10, 2025
அதிமுகவுடன் கூட்டணி இல்லை.. அதிகாரப்பூர்வமாக அறிவித்தார்
அதிமுக தலைமை வகிக்கும் NDA கூட்டணியில் மீண்டும் இணையப்போவதில்லை என டிடிவி தினகரன் திட்டவட்டமாக தெரிவித்துள்ளார். சென்னையில், செய்தியாளர்களை சந்தித்த அவர், ரோட்டில் கடை போட்டு கூவிக் கூவி அழைப்பது போல கூட்டணிக்கு அழைக்கும் நிலையில் EPS உள்ளதாக சாடினார். மேலும், விஜய்யை கூட்டணிக்கு வரவில்லை என்றால் கட்சி(தவெக) அழிந்துவிடும் என சிலர் மிரட்டும் தொனியில் பேசுவதாகவும் குற்றம்சாட்டியுள்ளார்.