News March 28, 2024
தனுஷ் உடன் கைகோர்க்கும் ராஜ்குமார்
நடிகர் தனுஷ் நடிக்க உள்ள அவரது 52 ஆவது படத்தை ராஜ்குமார் பெரியசாமி இயக்கவுள்ளதாக தகவல் வெளியாகியுள்ளது. சிவகார்த்திகேயன் நடிப்பில் ‘அமரன்’ படத்தை இயக்கும் ராஜ்குமார் பெரியசாமி, படப்பிடிப்பின்போது கிடைத்த இடைவெளியில் தனுஷிடம் கதை சொல்லி இருக்கிறார். ராஜ்குமார் கதை சொன்ன விதம் தனுஷுக்கு பிடித்துப்போக ‘இளையராஜா’ பயோபிக் படத்தை முடித்த பிறகு தேதி கொடுப்பதாகச் சொல்லியிருக்கிறாராம்.
Similar News
News January 14, 2026
டெல்லியில் விளையாட மாட்டேன்: உலக சாம்பியன்
டெல்லியில் நடக்கும் இந்திய பேட்மிண்டன் ஓபனில் இருந்து உலகின் 3-ம் நிலை வீரர் ஆண்டர்ஸ் ஆண்டன்ஸன் விலகியுள்ளார். காற்றுமாசு பிரச்னையால் இந்த முடிவை எடுத்ததாகவும், தற்சமயத்தில் டெல்லியில் போட்டிகளை நடத்துவது சரியாக இருக்காது என்றும், அவர் தனது SM-ல் குறிப்பிட்டுள்ளார். தொடர்ந்து 3-வது முறையாக இதே காரணத்தை சொல்லி தொடரில் இருந்து விலகியதால் அவருக்கு ₹4.5 லட்சம் அபராதம் விதிக்கப்பட்டுள்ளது.
News January 14, 2026
‘மத்திய பட்ஜெட்’ மக்களிடம் கருத்து கேட்கும் அரசு
பிப்.1-ம் தேதி 2026-27 நிதியாண்டுக்கான மத்திய பட்ஜெட் நாடாளுமன்றத்தில் தாக்கலாகிறது. இந்நிலையில், பட்ஜெட் உருவாக்கம் குறித்து பொதுமக்கள் தங்களது ஆலோசனைகளை ஜன.16-ம் தேதிக்குள் வழங்கலாம் என மத்திய அரசு தெரிவித்துள்ளது. இதற்கு MyGov.in-ல் லாகின் செய்து Activities→Union Budget 2026-27→Comment Box-ல் கருத்துகளை பதிவிடுங்கள். இதனால், மக்களின் எதிர்பார்ப்புகளும் பட்ஜெட்டில் பிரதிபலிக்க வாய்ப்புள்ளது.
News January 14, 2026
பொங்கல் வாழ்த்து அட்டைகள் பார்த்திருக்கிறீர்களா?
இன்று வாட்ஸ்ஆப்பில் ஒரு மெசேஜ் அனுப்பி, நம் பொங்கல் வாழ்த்துகளை சொல்லி விடுகிறோம். ஆனால் 20 ஆண்டுகளுக்கு முன்புவரை, பொங்கல் என்றாலே வாழ்த்து அட்டைகள்தான். பொங்கல் காட்சிகள், நடிகர்கள், தலைவர்களின் படங்கள் இடம்பெற்ற வாழ்த்து அட்டைகளை பார்த்துப் பார்த்து வாங்கி, நண்பர்களுக்கும் உறவினர்களுக்கும் தபாலில் அனுப்புவோம். தபால்காரரிடம் இருந்து வாழ்த்து அட்டையை வாங்கும்போது கிடைக்கும் மகிழ்ச்சியே தனி!