News November 15, 2024
அசுர வேகத்தில் வளரும் க்விக் காமர்ஸ்
ஒட்டுமொத்த மளிகை விற்பனையில் 50%ஐ ஆன்லைன் வணிக நிறுவனங்கள் கைப்பற்றியுள்ளதாக ஆய்வில் தெரியவந்துள்ளது. ‘டேட்டம் இன்டெலிஜென்ஸ்’ நிறுவனம் நடத்திய ஆய்வில், 46% பேர் மட்டுமே அருகில் உள்ள கடைகளில் மளிகை வாங்க விரும்புவதாகத் தெரிவித்துள்ளனர். க்விக் காமர்ஸ் விற்பனை மதிப்பு தற்போது ₹51,000 கோடியாக உள்ளது. இது அடுத்த 5 ஆண்டுகளில் ₹3.40 லட்சம் கோடியாக உயரும் என கணிக்கப்பட்டுள்ளது.
Similar News
News March 13, 2026
பல வருட போராட்டத்திற்கு கிடைத்த வெற்றி: CM ஸ்டாலின்
OBC அல்லாத கிரீமி லேயர் நிர்ணயத்தை தெளிவுபடுத்தும் SC-ன் தீர்ப்பை தான் வரவேற்பதாக CM ஸ்டாலின் கூறியுள்ளார். அதன்படி இனி சம்பள வருமானத்தை கிரீமி லேயருக்கான வணிகம் அல்லது சொத்து வருமானத்துடன் சமப்படுத்த முடியாது; வேலைவாய்ப்புத் துறைகளில் விரோதமான பாகுபாட்டை இத்தீர்ப்பு நிராகரிக்கிறது என கூறியுள்ளார். பல வருட போராட்டத்திற்குப் பிறகு OBC நீதிக்கு கிடைத்த தீர்க்கமான வெற்றி எனவும் குறிப்பிட்டுள்ளார்.
News March 13, 2026
சிலிண்டர் தட்டுப்பாடு பற்றி பயப்படாதீங்க: பிரேமலதா
விலைவாசி கடுமையாக உயர்ந்துள்ளதால் கேஸ் சிலிண்டர் விலை உயர்வை மத்திய அரசு திரும்ப பெற வேண்டும் என பிரேமலதா கூறியுள்ளார். சிலிண்டர், பெட்ரோல் தட்டுப்பாடு பிரச்னையை திறம்பட கையாள முடியும் என PM மோடி கூறியதை சுட்டிக்காட்டிய அவர், மக்கள் தேவையின்றி பதட்டம் அடைய வேண்டாம் என தெரிவித்தார். அதுபோல, அனைவருக்கும் தட்டுப்பாடின்றி சிலிண்டர் கிடைப்பதை மத்திய அரசு உறுதிசெய்ய வேண்டும் எனவும் வலியுறுத்தினார்.
News March 13, 2026
பாகிஸ்தான் அணிக்கு கொலை மிரட்டல்!
வங்கதேசத்துடனான முதல் ODI-யில் பாகிஸ்தான் அணி 114 ரன்களுக்கு ஆல் அவுட் ஆனது அந்நாட்டு ரசிகர்களுக்கு அதிர்ச்சியை ஏற்படுத்தியுள்ளது. அப்போட்டியில் வங்கதேசம் 8 விக்கெட்டுகள் வித்தியாசத்தில் வெற்றி பெற்றது. இந்நிலையில் அந்நாட்டின் Ex வீரர் பாசித் அலி, வங்கதேசத்துடனான போட்டிக்கு உத்தி வகுத்த நபரை சுட்டுத்தள்ள வேண்டும் என்று கொலை மிரட்டல் விடுக்கும் வகையில் பேசியது பரபரப்பை ஏற்படுத்தியுள்ளது.