News November 15, 2025
OFFICIAL: CSK அணியில் இருந்து கான்வே விடுவிப்பு
CSK அணியில் இருந்து நியூஸி., பேட்ஸ்மென் டெவான் கான்வே விடுவிக்கப்பட்டுள்ளார். இதையடுத்து, 3 ஆண்டுகளாக தனக்கு ஆதரவளித்த ரசிகர்களுக்கு நன்றி தெரிவித்து, அவர் தனது X பக்கத்தில் பதிவிட்டுள்ளார். 2023 ஐபிஎல் ஃபைனலில் CSK அணி வெல்ல முக்கிய காரணமாக இருந்தவர் கான்வே. 25 பந்துகளில் 4 பவுண்டரி, 2 சிக்ஸர்கள் என 47 ரன்களை அடித்து அப்போட்டியின் ஆட்டநாயகன் விருதையும் வென்றார்.
Similar News
News December 15, 2025
இமயமலையில் புதைந்த CIA அணுசக்தி ரகசியம்!
1965-ல் சீனாவை உளவு பார்க்க, இந்தியாவின் உதவியுடன், இமயமலையில் புளூட்டோனியம் நிறைந்த SNAP-19C அணுசக்தி ஜெனரேட்டரை CIA நிறுவ முயன்றது. மோசமான வானிலையால் சாதனத்தை பாதுகாப்பாக வைத்து விட்டு திரும்பிய குழு, பின்னர் சென்று பார்த்தபோது காணாததால், பனிச்சரிவில் அடித்து செல்லப்பட்டதாக நம்பியது. ஆனால், இன்று வரை USA இதுபற்றி வாய்திறக்காத நிலையில், 60 ஆண்டுகளாக அந்த சாதனம் தீராத மர்மமாக புதைந்துள்ளது.
News December 15, 2025
விஜய்யை ஆட்சியில் அமர வைப்பதே லட்சியம்: KAS
ஆண்டுக்கு ₹500 கோடி வரும் திரைத்துறையை விட்டுவிட்டு, விஜய் மக்களுக்கு சேவை செய்ய வந்துள்ளதாக செங்கோட்டையன் தெரிவித்துள்ளார். ஈரோட்டில் தவெக ஆலோசனை கூட்டத்தில் பேசிய அவர், தனது உடலில் இருக்கும் ஒவ்வொரு துளி ரத்தத்தையும் சிந்தியாவது விஜய்யை கோட்டையில் அமர வைப்பேன் என்று சூளுரைத்தார். எம்ஜிஆர், ஜெயலலிதா வரிசையில் மக்கள் சக்தியாக விஜய் உருவெடுத்துள்ளதாகவும் அவர் குறிப்பிட்டார்.
News December 15, 2025
என்னிடம் ₹150 கோடி தாங்க.. 10 மெஸ்ஸியை உருவாக்குறேன்!
மெஸ்ஸியின் டூருக்காக செலவழித்த பணத்தை தாருங்கள், இந்தியாவுக்காக 10 மெஸ்ஸிகளை உருவாக்கி, WC-ஐ கொண்டு வருவேன் என பஞ்சாப் கால்பந்து இயக்குநர் ரஞ்சித் பஜாஜ் தெரிவித்துள்ளார். மேலும், இந்தியாவுக்கு வெளிநாட்டு ஸ்டார்கள் தேவையில்லை என குறிப்பிட்ட அவர், நாட்டில் கால்பந்து விளையாட்டை மேம்படுத்த இப்பணத்தை செலவழிக்கலாம் என கூறினார். மெஸ்ஸி டூருக்காக சுமார் ₹150 செலவு செய்யப்பட்டுள்ளதாக கூறப்படுகிறது.