News October 20, 2025
அதர்மத்தை நீக்கி, தர்மத்தை கடைபிடிப்போம்: CPR
தீபாவளி நாளில் அதர்மத்தை நீக்கி, தர்மத்தை கடைபிடிப்போம் என்று துணை ஜனாதிபதி சி.பி.ராதாகிருஷ்ணன் தெரிவித்துள்ளார். அவரது தீபாவளி வாழ்த்தில், பின்தங்கிய பிரிவினருக்கு நமது ஆதரவை நீட்டுவோம் என்று குறிப்பிட்டுள்ளார். ஒவ்வொரு வீட்டிலும் ஏற்றப்படும் தீபங்கள் இரவை கூட்டாக ஒளிர செய்வது போல், நமது அர்ப்பணிப்பும் உறுதியும் பாரதத்தின் கூட்டு வளர்ச்சிக்கு வழிகாட்டட்டும் என்றும் அவர் வாழ்த்தியுள்ளார்.
Similar News
News December 16, 2025
இன்று தளபதி ரசிகர்களுக்கு ட்ரீட்!
தளபதி கச்சேரி பாடலுக்கு பிறகு ‘ஜனநாயகன்’ அப்டேட் இன்றி விஜய் ரசிகர்கள் ஏமாற்றத்தில் இருந்தனர். இந்நிலையில், அடுத்த அப்டேட் இன்று மாலை வெளியாகும் என படக்குழு அறிவித்துள்ளது. 2-வது பாடல் ரிலீஸ் ஆக இருக்கலாம் என கூறப்படுகிறது. 10 நாள்களில் இசை வெளியீடு விழா, டிரெய்லர் ரிலீஸ், படக்குழுவினரின் நேர்காணல் என அடுத்தடுத்து அப்டேட் வரவுள்ளதால் விஜய் ரசிகர்கள் மகிழ்ச்சி கடலில் மூழ்கியுள்ளனர்.
News December 16, 2025
திமுகவில் இளைஞரணிக்கு 40 சீட்டு?
2026 தேர்தலில் 40 சீட்டை இளைஞரணிக்கு ஒதுக்க உதயநிதி விருப்பம் தெரிவித்துள்ளதாக தகவல் கசிந்துள்ளது. நேற்று முன்தினம் தி.மலையில் நடைபெற்ற வடக்கு மண்டல மாநாட்டிற்கு பிறகு இந்த முடிவுக்கு அவர் வந்துள்ளாராம். குறைந்தபட்சம் வருவாய் மாவட்டத்திற்கு ஒரு தொகுதியில்(38) நிச்சயம் களமிறங்க முடிவு செய்யப்பட்டுள்ளதாம். சுமார் 5 லட்சம் நிர்வாகிகளுடன் திமுக இளைஞரணி இருப்பது அக்கட்சிக்கு பலமாக பார்க்கப்படுகிறது.
News December 16, 2025
21-ம் தேதி வரை மிதமான மழைக்கு வாய்ப்பு: IMD
தென் தமிழகம் மற்றும் அதையொட்டிய பகுதிகளின் மேல் ஒரு வளிமண்டல கீழடுக்கு சுழற்சி நிலவுவதால் தமிழகத்தில் இன்று மழைக்கு வாய்ப்புள்ளதாக IMD கணித்துள்ளது. இந்த மழை வரும் 21-ம் தேதி வரை நீடிக்கும் என்றும் தெரிவித்துள்ளது. அதிகாலை வேளையில் லேசான பனிப்பொழிவு இருக்கும் என்றும், இன்று வெப்பநிலை இயல்பைவிட குறைவாக இருக்கும் எனவும் IMD கூறியுள்ளது.