News February 27, 2025
8 பேரும் உயிரோடு இருக்க வாய்ப்பில்லை: NDRF தகவல்
தெலங்கானாவில் சுரங்கத்தில் சிக்கிய 8 தொழிலாளர்களும் உயிரிழந்திருக்கக் கூடும் என அதிகாரிகள் தெரிவித்துள்ளனர். அவர்கள் அனைவரும் சேற்றில் சிக்கி இறந்திருக்கலாம் என நம்பப்படுகிறது. நேற்று மீட்பு பணிகளில் இறங்கிய ராணுவத்தினரும், அங்கு சேற்றைத் தவிர வேறு எதுவும் இல்லை எனத் தெரிவித்துள்ளனர். மேலும், அங்கிருக்கும் குப்பைகளை அகற்றினால் சுரங்கம் மீண்டும் இடிந்து விழும் அபாயம் உள்ளதாகவும் கூறுகின்றனர்.
Similar News
News February 27, 2025
வங்கதேசத்தில் ராணுவ ஆட்சிக்கும் செக்?
வங்கதேசத்தில் ஹஸீனாவின் ஆட்சி கலைப்புக்கு காரணமான மாணவ அமைப்பின் தலைவர் நஹித் இஸ்லாம், இடைக்கால அரசுக்கு நெருக்கடியை தந்திருக்கிறார். அமைச்சர் பதவியை ராஜினாமா செய்துள்ள அவர் நாளை புதிய கட்சியை தொடங்கப் போவதாக அறிவித்துள்ளார். ஆளும் இடைக்கால அரசு மக்கள் விரோத நடவடிக்கையில் ஈடுபடுவதே தனது முடிவுக்கு காரணம் என்றும் கூறியுள்ளார். வங்கதேசத்தில் அடுத்து என்ன நடக்கப் போகிறதோ?
News February 27, 2025
2 நாளில் சவரனுக்கு ₹520 குறைந்த தங்கம்
சென்னையில் ஆபரணத் தங்கத்தின் விலை தொடர்ந்து 2ஆவது நாளாக சரிவைக் கண்டுள்ளது. கடந்த சில மாதங்களாகத் தொடர்ந்து ஏற்றத்திலிருந்த தங்கத்தின் விலை புதிய உச்சமாக கடந்த 25ஆம் தேதி ₹64,600க்கு விற்பனையானது. நேற்று (பிப்.26) சவரனுக்கு ₹200 குறைந்த நிலையில், இன்று (பிப்.27) ₹320 குறைந்து ₹64,080க்கு விற்பனையாகிறது. அதேபோல், வெள்ளி விலையும் இந்த வாரத்தில் கிராமுக்கு ₹3 குறைந்துள்ளது குறிப்பிடத்தக்கது.
News February 27, 2025
‘தனுஷ் 51’ பட ரிலீஸ் தேதி அறிவிப்பு
தனுஷ், நாகர்ஜுனா, ராஷ்மிகா மந்தனா நடித்துள்ள ‘குபேரா’ திரைப்படம் ஜூன் 20ஆம் தேதி வெளியாகும் என அறிவிக்கப்பட்டுள்ளது. தெலுங்கு இயக்குநர் சேகர் கம்முலா இப்படத்தை இயக்கியுள்ளார். தேவி ஸ்ரீ பிரசாத் இசையமைத்துள்ளார். தமிழ், தெலுங்கு, ஹிந்தி மொழிகளில் படம் ரிலீசாக உள்ளது. கடந்த ஆண்டு நவம்பரில் வெளியான இப்படத்தின் க்ளிம்ஸ் வீடியோ நல்ல வரவேற்பை பெற்றதால், இப்படத்தின் மீது எதிர்பார்ப்பு அதிகரித்துள்ளது.