News August 18, 2025
துலீப் டிராபி தொடரில் இருந்து இஷான் கிஷன் நீக்கம்
துலீப் டிராபி தொடர் 2025, செப்.28-ல் தொடங்குகிறது. இதில் கிழக்கு மண்டல அணிக்கு இஷான் கிஷன் கேப்டனாக நியமிக்கப்பட்டிருந்தார். இந்நிலையில், அவர் இத்தொடரில் இருந்து வெளியேற்றப்பட்டுள்ளார். அவருக்குப் பதிலாக ஆசிர்வாத் ஸ்வைன் சேர்க்கப்பட்டுள்ளதாக ஒடிசா கிரிக்கெட் சங்கம் அறிவித்துள்ளது. இவர் 11 முதல்தர போட்டிகளில் விளையாடி 615 ரன்கள் எடுத்துள்ளார். இஷான் நீக்கப்பட்டதற்கான காரணம் தெரியவில்லை.
Similar News
News December 11, 2025
சென்னை சர்வதேச திரைப்பட விழா.. இன்று தொடக்கம்!
இன்று சென்னை சத்யம் தியேட்டரில் 23-வது சென்னை சர்வதேச திரைப்பட விழா தொடங்குகிறது. மொத்தம் 8 நாள்கள் நடைபெறும் இந்த விழாவில், 51 நாடுகளை சேர்ந்த 122 படங்கள் திரையிடப்படவுள்ளன. தமிழில் 3BHK, அலங்கு, காதல் என்பது பொதுவுடைமை உள்பட 12 படங்கள் திரையிடப்படுகின்றன. ரஜினியின் 50-ம் ஆண்டு திரைப்பயணத்தை சிறப்பிக்கும் விதமாக ‘பாட்ஷா’ படமும் திரையிடப்படவுள்ளது.
News December 11, 2025
ரேஷன் அட்டைதாரர்களுக்கு ஸ்பெஷல் அறிவிப்பு
அனைத்து ரேஷன் அட்டைதாரர்களுக்கும் பொங்கல் பரிசுகளுடன் ரொக்கப்பணம் வழங்க வாய்ப்புள்ளதாக கூறப்படுகிறது. இதற்கு முக்கிய ஆதாரமாக இருப்பது ரேஷன் அட்டைதான். இந்நிலையில், ரேஷன் கார்டுகளில் பெயர் திருத்தம், முகவரி மாற்றம் போன்ற சேவைகள் ஒரே நாளில் வழங்கும் வகையில், சனிக்கிழமை (13.12.2025) அன்று சிறப்பு முகாம் நடைபெறும் என்று அறிவிக்கப்பட்டுள்ளது. இந்த வாய்ப்பை குடும்ப அட்டைதாரர்கள் மிஸ் செய்யாதீங்க.
News December 11, 2025
BREAKING: டிச.15 முதல் விருப்ப மனு: EPS
2026 தேர்தலில் போட்டியிட விருப்பம் உள்ளவர்கள் டிச.15 – டிச. 23 வரை விருப்ப மனு பெறலாம் என EPS அறிவித்துள்ளார். முதல் நாளான 15-ம் தேதி மட்டும் நண்பகல் 12 மணிக்கு (நல்ல நேரம்) தொடங்குகிறது. மற்ற நாள்களில் காலை 10 – மாலை 5 மணி வரை விருப்ப மனுவை பெறலாம். மேலும், மனுவில் கேட்கப்பட்டுள்ள அனைத்து விவரங்களையும் தெளிவாகப் பூர்த்தி செய்து, தலைமை அலுவலகத்தில் வழங்க வேண்டும் என தெரிவிக்கப்பட்டுள்ளது.