News May 15, 2024
ஹரியானாவில் பாஜக அரசு தப்புமா?
ஹரியானாவில் முதல்வர் நயாப்சிங் சைனி அரசு மீது எம்.பி தேர்தலுக்கு பின் நம்பிக்கையில்லா தீர்மானம் கொண்டு வர காங்கிரஸ் திட்டமிட்டுள்ளது. பாஜகவை ஆதரித்த சுயேச்சை எம்எல்ஏக்கள் 3 பேர், ஆதரவை விலக்கிக் கொண்ட நிலையில், பாஜக பெரும்பான்மையை இழந்துள்ளதாக கூறப்படுகிறது. மேலும், அந்த 3 சுயேச்சை எம்எல்ஏக்களும் காங்கிரஸ் கட்சிக்கு ஆதரவு தெரிவித்துள்ளனர். இதனால், பாஜக ஆட்சி தொடருமா? என்ற சந்தேகம் எழுந்துள்ளது.
Similar News
News December 11, 2025
ராமநாதபுரம்: 4 நாட்களாக மீனவரை தேடும் பணி
தங்கச்சி மடம் பகுதியை சேர்ந்தவர் அமிர்தய்யா. இவரது மகன் ஆரோக்கிய கிங்ஸ் 25, ராமேஸ்வரம் துறைமுகத்தில் இருந்து படகில் டிச.,6ல் கடலுக்கு மீன் பிடிக்க சென்றுள்ளார்.
அன்று மாலை மீன் பிடித்துக் கொண்டிருந்த போது தவறி கடலில் விழுந்துள்ளார். மீனவர்கள் அப்பகுதியில் 4 நாட்களாக தேடி வருகின்றனர். இந் நிலையில் கலெக்டர் அலுவலகத்தில் அமிர்தய்யா குடும்பத்தினருடன் வந்து நேற்று மனு அளித்தார்.
News December 11, 2025
BREAKING: திமுகவில் இணைந்த விஜய்யின் முன்னாள் மேனேஜர்
தயாரிப்பாளரும், விஜய்யின் முன்னாள் மேனேஜருமான பி.டி.செல்வகுமார், ஸ்டாலின் முன்னிலையில் திமுகவில் இணைந்தார். அவருடன் சேர்ந்து 100-க்கும் மேற்பட்டோரும் திமுகவில் ஐக்கியமாகியுள்ளனர். விஜய் நடிப்பில் வெளியான ‘புலி’ படத்தை தயாரித்த அவர், ‘ஒன்பதுல குரு’ என்ற படத்தையும் இயக்கியுள்ளார். நீண்டகாலமாக நண்பர்களாக இருந்த விஜய்- செல்வக்குமாருக்கு இடையே மோதல் ஏற்பட்டதால், இருவரும் பிரிந்ததாக கூறப்படுகிறது.
News December 11, 2025
ரசிகர்களுடன் அஞ்சானை கொண்டாடிய சூர்யா
2014-ல் வெளியான அஞ்சான் படம் சோஷியல் மீடியாவில் கடுமையாக டிரோல் செய்யப்பட்டது. ஆனாலும் மனம் தளராத இயக்குநர் லிங்குசாமி, படத்தை ரீ-எடிட் செய்து ரீ-ரிலீஸ் செய்துள்ளார். ஆச்சரியம் என்னவென்றால், முன்பை விட இப்போது படத்திற்கு தியேட்டர்களில் நல்ல வரவேற்பு கிடைத்துள்ளது. இதனிடையே ரசிகர்களுடன் நடிகர் சூர்யா படத்தை பார்த்து மகிழ்ந்துள்ளார்.