News June 8, 2024
அவர் வாஜ்பாய் அல்ல, மோடி: பூபேஷ் பாகல்

மத்தியில் அமையப் போகும் NDA கூட்டணி அரசு நீண்ட காலம் நீடிக்காது என சத்தீஸ்கர் முன்னாள் முதல்வர் பூபேஷ் பாகல் தெரிவித்துள்ளார். செய்தியாளர்களிடம் பேசிய அவர், அக்னிவீர் திட்டம், சாதிவாரி கணக்கெடுப்பு, பொது சிவில் சட்டம் ஆகியவற்றில் அவர்களிடையே கருத்து வேறுபாடுகள் நிலவுகின்றன. அங்கே இருப்பவர் வாஜ்பாய் அல்ல, மோடி. அவர் யார் பேச்சையும் கேட்கமாட்டார் என்பதால் அரசு நீடிக்காது என தெரிவித்துள்ளார்.
Similar News
News July 9, 2025
முட்டை விலை ஒரே நாளில் 20 காசுகள் சரிவு

முட்டை விலை இன்று ஒரே நாளில் 20 காசுகள் வீழ்ச்சியடைந்திருப்பது மக்களை மகிழ்ச்சி அடைய செய்துள்ளது. நாமக்கல் மண்டலத்தில் 1 முட்டையின் விலை நேற்று ₹5.75ஆக இருந்தது. இந்நிலையில் இன்று அதன் விலை 20 காசுகள் குறைக்கப்பட்டு ₹5.55 ஆக நிர்ணயிக்கப்பட்டுள்ளது. இதனால் சென்னை உள்ளிட்ட நகரங்களில் 1 முட்டை ₹6-க்கு விற்கப்பட்டு வருகிறது. உங்கள் ஊரில் முட்டை விலை என்ன? கீழே பதிவிடுங்க.
News July 9, 2025
பட்டாசு ஆலைகளுக்கு பசுமைத் தீர்ப்பாயம் எச்சரிக்கை

பட்டாசு ஆலை விபத்துகள் தொடர்ந்து அதிகரித்து வரும் நிலையில் ஆலைகளில் விதிமுறைகள் பின்பற்றப்படுகிறதா? என ஆய்வு செய்ய தேசிய பசுமைத் தீர்ப்பாயம் உத்தரவிட்டுள்ளது. விதிமீறல்கள் நடந்திருப்பது உறுதியானால் ஆலைகளை மூடுவது பற்றி அதிகாரிகள் நடவடிக்கை மேற்கொள்ளலாம் எனவும் கூறியுள்ளது. இனி ஒரு பட்டாசு ஆலையில் கூட விபத்து நடக்கக் கூடாது என திட்டவட்டமாக ஆணையம் தெரிவித்துள்ளது.
News July 9, 2025
பி.எட். படிப்புக்கு விண்ணப்பிக்க அவகாசம் நீட்டிப்பு: அமைச்சர்

அரசு, அரசு உதவிபெறும் கல்வியியல் கல்லூரிகளின் பி.எட். மாணாக்கர் சேர்க்கைக்கான இணையதள விண்ணப்பப் பதிவு 21-ம் தேதி வரை நீட்டிப்பு செய்யப்பட்டுள்ளது. இதுகுறித்து உயர்கல்வி அமைச்சர் கோவி. செழியன் வெளியிட்ட அறிவிப்பில், வரும் 31-ம் தேதி தரவரிசைப் பட்டியல் வெளியிடப்படும் என்று தெரிவித்துள்ளார். அடுத்த மாதம் 4 முதல் 9-ம் தேதி வரை மாணவர்கள், கல்லூரியைத் தேர்வு செய்யலாம் எனவும் குறிப்பிட்டுள்ளார்.