News July 15, 2024
பகிரங்க மன்னிப்பு கேட்ட ஹர்பஜன் சிங்
உலக லெஜண்ட்ஸ் சாம்பியன்ஷிப் இறுதிப் போட்டியில் பாகிஸ்தானை வீழ்த்திய பின் நொண்டி நொண்டி நடப்பது போன்ற வீடியோவை இந்திய வீரர்கள் பகிர்ந்திருந்தனர். இதற்கு கண்டனங்கள் எழுந்த நிலையில், யாரையும் புண்படுத்தும் நோக்கில் இதை பகிரவில்லை என ஹர்பஜன் சிங் பகிரங்க மன்னிப்பு கேட்டுள்ளார். இடைவிடாமல் 15 நாள்கள் விளையாடியபின் உடல் அப்படி ஆகிவிட்டதை கூறும் விதமாக அப்படி செய்ததாகவும் அவர் விளக்கமளித்துள்ளார்.
Similar News
News July 10, 2025
2047-க்குள் இந்திய அரசியலில் காங்கிரஸ் இருக்காது: பாஜக
2047-ம் ஆண்டுக்குள் இந்திய அரசியலில் இருந்து காங்கிரஸ், சமாஜ்வாதி கட்சிகள் துடைத்தெறியப்படும் என்று பாஜக தெரிவித்துள்ளது. மீரட்டில் நடந்த நிகழ்ச்சியில் பேசிய அக்கட்சியின் மூத்த தலைவரும், உ.பி. துணை முதல்வருமான கேசவ் பிரசாத் மெளரியா, பகுஜன் சமாஜ் கட்சியும் இந்திய அரசியலில் இருந்து துடைத்தெறியப்படும் என்றார். 2027 உ.பி. சட்டப்பேரவைத் தேர்தலில் பாஜக மிகப்பெரிய வெற்றி பெறும் என்றும் அவர் கூறினார்.
News July 10, 2025
இரவில் இடி-மின்னலுடன் மழை: IMD
இன்று (ஜூலை 9) இரவு 1 மணி வரை மழை பெய்யக்கூடிய மாவட்டங்கள் பட்டியலை IMD வெளியிட்டுள்ளது. அதில், செங்கல்பட்டு, காஞ்சிபுரம், திருவண்ணாமலை மாவட்டங்களில் ஓரிரு இடங்களில் இடி-மின்னலுடன் லேசான மழை பெய்ய வாய்ப்பிருப்பதாக தெரிவித்துள்ளது. கள்ளக்குறிச்சி, விழுப்புரம் மாவட்டங்களில் ஓரிரு இடங்களில் லேசான மழை பெய்யக்கூடும் என்றும் IMD கணித்துள்ளது. உங்கள் ஊரில் மழை பெய்கிறதா? கீழே கமெண்ட் பண்ணுங்க.
News July 10, 2025
மக்களுக்கு திமுக கொடுத்த பரிசு கடன் தான்: இபிஎஸ் சாடல்
திமுக ஆட்சிக்கு வந்த 50 மாதங்களில் மக்களுக்கு கொடுத்த பரிசு கிட்டத்தட்ட 4 லட்சம் கோடி கடன் மட்டுமே என இபிஎஸ் விமர்சித்துள்ளார். திமுக ஆட்சியை வீட்டுக்கு அனுப்ப வேண்டும் என தெரிவித்த அவர் தமிழ்நாட்டுக்கு விரைவில் விடிவுகாலம் வரவேண்டும் என்கின்ற மக்களின் கூக்குரலை தானறிவேன் எனவும் கூறியுள்ளார். அனைத்துத் தரப்பு மக்களின் பேராதரவுடன் மீண்டும் அதிமுக ஆட்சிக்கு வரும் எனவும் தெரிவித்துள்ளார்.