News September 30, 2025
ஒரு பீரின் உண்மையான விலை தெரியுமா?
பிரபல பிராண்ட் பீர், ₹180-க்கு விற்கப்படுகிறது. ஆனால், அந்த பீர் தயாரிக்க ஆகும் செலவு ₹30 தானாம். அப்படியானால் மீதி ₹150 யாருக்கு போகிறது என்கிறீர்களா? கலால் வரி -₹70, வாட் வரி -₹35, டிஸ்ட்ரிபியூட்டர் & ரீடெய்லர் -₹20, கம்பெனி லாபம் -₹15, போக்குவரத்து & பேக்கிங் -₹10 எல்லாவற்றுக்கும் சேர்த்துதான் ₹180 ஆகிறது. பெட்ரோலில் விலையில் பாதி அரசுக்கு என்றால், சரக்கில் பாதிக்கு மேல் அரசுக்கு போகும்போல.
Similar News
News November 19, 2025
மகளிர் வங்கி கணக்குகளில் ₹15,000: சீமான்
தேர்தலுக்கு முன் பெண்களின் வங்கிகணக்கில் திமுக அரசு பணம் செலுத்தலாம் என சீமான் தெரிவித்துள்ளார். பிஹாரில் NDA வெற்றிபெற்றதற்கு முக்கிய காரணம் பெண்களின் வங்கிக்கணக்கில் ₹10,000 செலுத்தியதுதான். அந்த ஃபார்முலாவை கையில் எடுத்து திமுகவும், மகளிர் வங்கிக் கணக்கில் ₹15,000 செலுத்த வாய்ப்புள்ளது. எனவே, இப்போதே தாய்மார்களை வங்கிகளில் புதிய கணக்கை ஆரம்பிக்க சொல்ல வேண்டும் என்று சிரித்துக் கொண்டே கூறினார்.
News November 19, 2025
SIR பணிகளை முடக்க திமுக சதி: பாஜக
SIR-ஐ எதிர்த்து வருவாய் துறை சங்கங்கள் காலவரையற்ற போராட்டத்தில் ஈடுபட்டுள்ளன. இதன் பின்னணியில் திமுக இருப்பதாக பாஜக செய்தி தொடர்பாளர் நாராயணன் திருப்பதி குற்றஞ்சாட்டியுள்ளார். SIR பணிகளில் அரசு ஊழியர்கள் ஒத்துழைக்கவில்லை எனில், தமிழக அரசு நடவடிக்கை எடுக்க அதிகாரம் உள்ளது. ஆனால், நடவடிக்கை எடுக்காமல், SIR பணிகள் தடைபட வேண்டும் என நினைப்பது ஜனநாயக விரோத செயல் என்றும் சாடியுள்ளார்.
News November 19, 2025
BREAKING: சென்னையில் 10 இடங்களில் ED ரெய்டு
சென்னையில் சவுகார்பேட்டை, கோடம்பாக்கம், அம்பத்தூர், கீழ்ப்பாக்கம் உள்ளிட்ட 10-க்கும் மேற்பட்ட இடங்களில் அதிகாலை முதலே ED அதிகாரிகள் சோதனை நடத்தி வருகின்றனர். முக்கிய பிரமுகர்கள், தொழிலதிபர்களுக்கு தொடர்புடைய இடங்களில் சட்டவிரோத பணப் பரிமாற்றம் தொடர்பாக இந்த சோதனையானது நடத்தப்பட்டு வருவதாகத் தகவல் வெளியாகியுள்ளது.