India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 16, 2024
சிவில் சர்வீசஸில் தேர்ச்சி பெற்றோருக்கு மோடி வாழ்த்து
சிவில் சர்வீசஸ் தேர்வில் வெற்றி பெற்றவர்களுக்கு பிரதமர் மோடி வாழ்த்து தெரிவித்துள்ளார். 2023ஆம் ஆண்டுக்கான சிவில் சர்வீசஸ் இறுதித் தேர்வில் 1016 பேர் தேர்ச்சி பெற்றுள்ளனர். அவர்களுக்கு வாழ்த்து தெரிவித்து மோடி தனது X பக்கத்தில், “விடாமுயற்சி, கடின உழைப்பு மற்றும் அர்ப்பணிப்புக்கு பலன் கிடைத்துள்ளது. தேசத்தின் எதிர்காலத்தை நீங்கள் வடிவமைக்கும் காலம் வந்துவிட்டது. மனமார்ந்த வாழ்த்துகள்” என்றார்.
News April 16, 2024
‘துப்பறிவாளன் 2’ அடுத்த மாதம் தொடங்குகிறது
‘துப்பறிவாளன் 2’ படத்தின் படப்பிடிப்பு, அடுத்த மாதம் 5ஆம் தேதி தொடங்கும் என நடிகர் விஷால் கூறியுள்ளார். நேர்காணல் ஒன்றில் பேசிய அவர், இந்தப் படம் எனக்கொரு சவாலாக இருக்கும். இவன் எல்லாம் என்ன கிழிக்க போகிறான் என பேசியவர்களுக்கு, என்னை நிரூபிக்கும் நேரம் இது. இதற்கு இயக்குநர் மிஷ்கினுக்கு தான் நான் நன்றி சொல்ல வேண்டும். அவர் இல்லை என்றால், நான் இயக்குநராகி இருக்க மாட்டேன் எனத் தெரிவித்தார்.
News April 16, 2024
2.67 லட்சம் புகார்களுக்கு தீர்வு
தேர்தல் விதிமீறல் தொடர்பாக இதுவரை 2.68 லட்சம் புகார்கள் சி விஜில் செயலி மூலம் பெறப்பட்டுள்ளதாகத் தேர்தல் ஆணையம் தெரிவித்துள்ளது. மக்களவைத் தேர்தலையொட்டி நாடு முழுவதும் நடத்தை விதிகள் அமலில் உள்ளன. அது தொடர்பாகப் பெறப்பட்ட புகார்களில், இதுவரை 2.67 லட்சம் புகார்களுக்குத் தீர்வு கண்டுள்ளதாகவும், விதிமீறலில் 92% வழக்குகள் சராசரியாக 100 நிமிடங்களுக்குள் தீர்க்கப்பட்டுள்ளதாகவும் தகவல் கூறப்பட்டுள்ளது.
News April 16, 2024
கர்நாடக இசைக்கலைஞர் கே.ஜி.ஜெயன் காலமானார்
பிரபல கர்நாடக இசைக்கலைஞரும், மலையாள நடிகர் மனோஜின் தந்தையுமான கே.ஜி.ஜெயன் (89) உடல் நலக்குறைவால் இன்று காலமானார். சபரிமலை கோவிலில் தினமும் நடை திறக்கப்படும்போது இவர் பாடிய ‘ஸ்ரீகோவில் நடை துறன்னு’ பாடல் ஒலிக்கப்படுவது வழக்கம். ஆயிரத்திற்கும் மேற்பட்ட பக்திப் பாடல்களை பாடியுள்ள இவர், ஒரு சில மலையாளப் படத்திற்கும் இசையமைத்துள்ளார். இவரது மறைவிற்கு பிரபலங்கள் பலரும் இரங்கல் தெரிவித்து வருகின்றனர்.
News April 16, 2024
மோடியின் பகல் வேஷத்தை மக்கள் ஏற்க மாட்டார்கள்
ராகுலின் உண்மையான அன்புக்கு முன்னால் மோடியின் பகல் வேஷத்தை தமிழக மக்கள் ஏற்க மாட்டார்கள் என செல்வப்பெருந்தகை விமர்சித்துள்ளார். வட மாநிலங்களில் பாஜகவுக்கு எதிர்ப்பு எழுந்ததையடுத்து தமிழகத்திற்கு மோடி அடிக்கடி வருகிறார். 100 முறை அவர் வந்தாலும், ராகுலின் ஒரு கூட்டத்துக்கு அது இணையாகாது என்ற அவர், தமிழக மக்களுக்கு உண்மையான அன்புக்கும், பொய் வேஷத்துக்கு நன்றாக வித்தியாசம் தெரியும் என்றும் கூறினார்.
News April 16, 2024
இந்தியாவின் மிகவும் வயதான விமான பைலட் காலமானார்
இந்திய விமானப் படையின் மிகவும் வயதான பைலட்டான தலீப் சிங் மஜிதியா தனது 103ஆவது வயதில் நேற்று காலமானார். 1920ஆம் ஆண்டு ஜூலை 27ஆம் தேதி சிம்லாவில் பிறந்த இவர், இரண்டாம் உலகப் போரின் போது 1940ஆம் ஆண்டு இந்திய விமானப்படையில் இணைந்தார். 1941ஆம் ஆண்டு சென்னையில் கடலோர ரோந்து பாதுகாப்பு பணியில் பணியாற்றியுள்ளார். 1949ஆம் ஆண்டு காத்மாண்டுவில் முதல் விமானத்தை தரையிறக்கிய பைலட் என்ற பெருமை இவரையே சேரும்.
News April 16, 2024
ஷங்கர் மகளின் திருமண வரவேற்பு நிகழ்ச்சி
இயக்குநர் ஷங்கரின் மூத்த மகளின் திருமண வரவேற்பு நிகழ்ச்சி, இன்று சென்னையில் கோலாகலமாக நடைபெற்று வருகிறது. இதில், நடிகர் சிவகார்த்திகேயன், மோகன்லால், ரன்வீர் சிங், இசையமைப்பாளர் ஏ.ஆர்.ரகுமான் உள்ளிட்டோர் கலந்து கொண்டனர். நேற்று நடைபெற்ற திருமண விழாவில், ரஜினி, கமல், சூர்யா, கார்த்தி, விக்ரம், விஷால், அர்ஜுன், பாரதிராஜா, மணிரத்னம், விக்னேஷ் சிவன், நயன்தாரா உள்ளிட்ட பலர் கலந்து கொண்டனர்.
News April 16, 2024
RCB அணியில் என்னதான் பிரச்னை?
ஐபிஎல் தொடரில், தொடர்ந்து தோல்விகளை சந்தித்து வரும் RCB அணிக்கு என்னதான் பிரச்னை என ரசிகர்கள் கேள்வி எழுப்பி வருகின்றனர். டு பிளெஸிஸ் கேப்டன்சி, தரமான வெளிநாட்டு பவுலர்கள் (கேமரூன் க்ரீன், அல்ஸாரி ஜோசப், மேக்ஸ்வெல், வில் ஜாக்ஸ்), கோலி – டு பிளெஸிஸ் ஓப்பனிங், பினிஷர் தினேஷ் கார்த்திக் என அனைத்தும் இருந்தும் எப்படி தோல்வி அடைகிறது? என்ன மாற்றம் செய்தால் RCB அணி வெற்றி பெறும்? என கமெண்டில் சொல்லுங்க
News April 16, 2024
அண்ணாமலை ஒரு காலி பெருங்காய டப்பா
பாஜக மாநிலத் தலைவர் அண்ணாமலை ஒரு காலி பெருங்காய டப்பா என்று அதிமுக முன்னாள் அமைச்சர் உதயகுமார் விமர்சித்துள்ளார். இதுகுறித்து அவர் அளித்த பேட்டியில், பாஜகவுக்கு ரெடிமேட் துணியை போல ரெடிமேட் தலைவராக அண்ணாமலை வந்தார் என்றும், அவரிடம் ஆளுமை பண்பு கிடையாது என்றும் தெரிவித்தார். அண்ணாமலை காலி பெருங்காய டப்பா, அதில் வாசம் மட்டும்தான் வரும், எந்தவித பலனும் இருக்காது என்றும் உதயகுமார் கூறினார்.
News April 16, 2024
நடிகர் ரஜினி உருக்கமாக இரங்கல்
பிரபல நடிகர் துவாரகீஷ் மறைவுக்கு நடிகர் ரஜினி உருக்கமாக இரங்கல் தெரிவித்துள்ளார். எனது நீண்ட நாள் அன்பு நண்பர் துவாரகீஷ் மறைவு எனக்கு மிகவும் வேதனை அளிக்கிறது. காமெடி நடிகராக தனது வாழ்க்கையைத் தொடங்கி, ஒரு பெரிய தயாரிப்பாளராகவும், இயக்குநராகவும் தன்னை உயர்த்தி கொண்டவர். அவருடன் பழகிய இனிய நினைவுகள் என் நினைவுக்கு வருகின்றன. அவரை இழந்து வாடும் குடும்பத்தினருக்கு ஆழ்ந்த அனுதாபங்கள் என கூறியுள்ளார்.
Featured News
Sorry, no posts matched your criteria.