India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 26, 2024
டாக்ஸிக்கு மாதம் ₹16,000 செலவு செய்யும் பெண்
பெங்களூருவில் வன்ஷிதா என்ற பெண், Uber பயணங்களுக்காக மாதம் ₹16,000-க்கும் அதிகமாக செலவானதாக X பக்கத்தில் பதிவிட்டுள்ளார். இது தன்னுடைய வீட்டு வாடகையின் பாதி பணம் என்றும் அவர் கூறியுள்ளார். இதனால்தான் புதிய இருசக்கர வாகனத்தை வாங்கியதாக வன்ஷிதாவின் பதிவில் ஒருவர் கமெண்ட் செய்துள்ளார். பெங்களூருவில் போக்குவரத்து நெரிசல் அதிகம் இருப்பதாகவும், அதனால் அதிக கட்டணம் வசூலிக்கப்படுவதாகவும் புகார் உள்ளது.
News July 26, 2024
பெட்ரோல், டீசல் விலை குறையுமா..?
பெட்ரோல், டீசல் விலையை ஜிஎஸ்டியின் கீழ் கொண்டு வந்தால், அவற்றின் விலை கணிசமாக குறையும் என மத்திய நிதியமைச்சர் நிர்மலா சீதாராமன் தெரிவித்துள்ளார். இது தொடர்பாக ஆங்கில ஊடகத்திற்கு பேட்டியளித்த அவர், பெட்ரோல், டீசல் விலை ஒவ்வொரு மாநிலத்திலும் ஒவ்வொரு விதமாக இருப்பதாக குறிப்பிட்டார். பெட்ரோலிய பொருட்கள் மீது தற்போது 60% வரி விதிக்கப்படும் நிலையில், ஜிஎஸ்டியின் கீழ் வந்தால் 28%ஆக குறையும் என்றார்.
News July 26, 2024
மேட்டூர் அணையிலிருந்து தண்ணீர் திறக்க உத்தரவு
ஆடிப்பெருக்கை முன்னிட்டு, மேட்டூர் அணையில் இருந்து தண்ணீர் திறக்க தமிழக அரசு உத்தரவிட்டுள்ளது. தமிழகத்தில் ஆகஸ்ட் 3ஆம் தேதி ஆடிப்பெருக்கு விழா கொண்டாடப்படுகிறது. அன்றைய தினம், காவிரி ஆற்றில் மக்கள் புனித நீராடுவார்கள் என்பதால், நாளை முதல் 7 நாள்கள் (ஆக.3 வரை) தண்ணீர் திறக்க அரசு உத்தரவிட்டுள்ளது. அதன்படி, நாள்தோறும் விநாடிக்கு 5000 கன அடி வீதம் அடுத்த 7 நாள்கள் தண்ணீர் திறக்கப்பட உள்ளது.
News July 26, 2024
இது வரை எந்த பிரதமரும் செய்யாதது: கார்கே
கார்கில் போரில் வீரமரணமடைந்த தியாகிகளுக்கு அஞ்சலி செலுத்தும் நிகழ்வில் கூட மோடி அற்ப அரசியல் பேசியது, இதுவரை எந்த பிரதமரும் செய்யாதது என காங்கிரஸ் கட்சி தலைவர் மல்லிகார்ஜுன கார்கே விமர்சித்துள்ளார். அக்னிபாத் திட்டம் குறித்து பிரதமர் பொய் தகவல்களை பேசியதாகவும், வீரமரணமடைந்த 15 அக்னிவீரர்களின் தியாகத்தை குறைந்தபட்சம் மதிக்கவாவது பிரதமர் கற்றுக் கொள்ளவேண்டும் எனவும் அவர் அறிவுறுத்தியுள்ளார்.
News July 26, 2024
IPL: பஞ்சாப் அணிக்கு புதிய பயிற்சியாளர்?
பஞ்சாப் அணியின் புதிய தலைமை பயிற்சியாளராக, முன்னாள் இந்திய பேட்ஸ்மேன் வாசிம் ஜாஃபர் நியமிக்கப்பட உள்ளதாக தகவல் வெளியாகியுள்ளது. ட்ரெவர் பேலிஸின் பதவிக்காலம் முடிந்ததால், புதிய பயிற்சியாளர் நியமிக்கப்பட உள்ளதாக கூறப்படுகிறது. ஜாஃபர் 2019-2021 காலகட்டத்தில் பஞ்சாப் அணியின் பேட்டிங் பயிற்சியாளராக இருந்துள்ளார். வருகிற 31ஆம் தேதி 2025 IPL சீசனுக்கான மெகா ஏலம் தொடர்பான ஆலோசனைக் கூட்டம் நடைபெற உள்ளது.
News July 26, 2024
விஷால் படங்களுக்கு புதிய கட்டுப்பாடு
தென்னிந்திய தயாரிப்பாளர் சங்க தலைவராக இருந்த போது முறைகேடாக ₹12 கோடி செலவழித்ததாக எழுந்த புகாரில், இனி நடிகர் விஷாலை வைத்து படமெடுக்கும் தயாரிப்பாளர்கள், தொழில்நுட்ப கலைஞர்கள் தமிழ் திரைப்படத் தயாரிப்பாளர்கள் சங்கத்தை கலந்தாலோசிக்க வேண்டும் என அச்சங்கம் அறிவுறுத்தியுள்ளது. செலவழித்த பணத்தை திரும்ப அளிக்குமாறு பலமுறை கூறியும் பதில் அளிக்காததால் நடவடிக்கை எடுக்கப்பட்டுள்ளதாக கூறப்படுகிறது.
News July 26, 2024
பாமக நிர்வாகி கருணாநிதி கட்சியிலிருந்து நீக்கம்
பாமக நிர்வாகியும், வன்னியர் சங்க மாநில செயலருமான N.M.கருணாநிதி, பாமகவிலிருந்து நீக்கப்பட்டுள்ளார். வன்னியர் சங்கம், கட்சியின் நற்பெயருக்கு களங்கம் விளைவித்ததால், அனைத்து பொறுப்புகளில் இருந்தும் கருணாநிதி நீக்கப்படுவதாக கூறப்பட்டுள்ளது. 2006 சட்டமன்றத் தேர்தலில் திண்டிவனம் தொகுதியில் போட்டியிட்ட கருணாநிதி, சி.வி.சண்முகத்திடம் 2,208 வாக்குகள் வித்தியாசத்தில் தோற்றது குறிப்பிடத்தக்கது.
News July 26, 2024
‘தக் லைஃப்’ டப்பிங்கை தொடங்கிய சிம்பு
கமல், மணிரத்னம் கூட்டணியில் உருவாகி வரும் திரைப்படம் ‘தக் லைஃப்’. த்ரிஷா, நாசர், அபிராமி, கெளதம் கார்த்திக் உள்ளிட்டோர் நடித்துள்ள இப்படத்தில் சிம்பு முக்கிய கதாபாத்திரத்தில் நடித்துள்ளார். இப்படத்தின் படப்பிடிப்பு இறுதிக்கட்டத்தை எட்டியுள்ள நிலையில், போஸ்ட் புரொடெக்ஷன் பணிகளை படக்குழு தொடங்கியுள்ளது. அந்த வகையில், சிம்பு தனது டப்பிங் பணியை தொடங்கியுள்ளதாக, புகைப்படம் வெளியிட்டு அறிவித்துள்ளார்.
News July 26, 2024
இலங்கை அணிக்கு 141 ரன்கள் இலக்கு
ஆசியக் கோப்பை மகளிர் T20 கிரிக்கெட் தொடரில் இலங்கைக்கு 141 ரன்களை இலக்காக நிர்ணயித்தது பாகிஸ்தான். டாஸ் வென்ற SL, முதலில் பந்துவீச்சை தேர்வு செய்தது. இதையடுத்து களமிறங்கிய PAK வீராங்கனைகள் நிதானமாக விளையாடினர். குறிப்பாக முனீப் 37, ஃபெரோஜா 25, நிதா தர், ஃபாத்திமா தலா 23 ரன்கள் எடுத்தனர். SL தரப்பில், உதேஷிகா, கவிஷா தலா 2 விக்கெட் வீழ்த்தினர். இந்தப் போட்டியில் எந்த அணி வெல்லும்?
News July 26, 2024
நீட் தேர்வில் தமிழக மாணவர்கள் அசத்தல்
திருத்தப்பட்ட <<13713914>>நீட்<<>> தரவரிசைப் பட்டியலில் 17 மாணவர்கள் 720க்கு 720 மதிப்பெண்களுடன் முதலிடம் பிடித்துள்ளனர். முதல் 100 இடங்களில் தமிழ்நாட்டைச் சேர்ந்த 10 மாணவர்கள் இடம் பிடித்துள்ளனர். ரஜினிஷ் 720க்கு 720 மதிப்பெண்களுடன் தேசிய அளவில் முதலிடமும், சையத் ஆரிபின் யூசுப் 715 மதிப்பெண்களுடன் 26ஆவது இடத்தையும் பெற்றுள்ளனர். நீட் தேர்வு எழுதிய 1,52,920 தமிழக மாணவர்களில் 89,198 பேர் தேர்ச்சி பெற்றுள்ளனர்.
Featured News
Sorry, no posts matched your criteria.