India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 10, 2024
ஹாலிவுட் நடிகர் ஜேம்ஸ் ஏர்ல் ஜோன்ஸ் காலமானார்
பிரபல ஹாலிவுட் நடிகர் ஜேம்ஸ் ஏர்ல் ஜோன்ஸ் (93) உடல்நலக் குறைவு காரணமாக காலமானார். இவர் பிரபல STAR WARS படங்களின் டார்த் வேடர் கதாபாத்திரம் மற்றும் 90களில் வெளியான LION KING படங்களில் முஃபாசா கதாபாத்திரங்களுக்கு குரல் கொடுத்துள்ளார். இவருக்கு 2011இல் வாழ்நாள் சாதனையாளர் விருது வழங்கி ஆஸ்கர் அகாடமி கௌரவித்துள்ளது. இவரின் மறைவுக்கு சமூக வலைதளங்களில் ரசிகர்கள் இரங்கல் தெரிவித்து வருகிறார்கள்.
News September 10, 2024
இது சவால் அளிக்கக்கூடிய போட்டியாக இருக்கும்: கங்குலி
ஆஸி. அணிக்கு எதிரான 5 போட்டிகள் கொண்ட டெஸ்ட் தொடர் இந்திய அணிக்கு சவால் அளிக்கக்கூடிய போட்டியாக இருக்கும் என்று கிரிக்கெட் ஜாம்பவான் சவுரவ் கங்குலி தெரிவித்துள்ளார். டெஸ்ட் கிரிக்கெட்டில் இந்தியாவின் சிறந்த வீரராக ரிஷப் பண்ட் உருவெடுப்பார் எனக் கூறிய அவர், காயத்தால் ஓய்வில் இருக்கும் வேகப்பந்து வீச்சாளர் முகமது ஷமி மீண்டும் அணிக்குள் வருவதை காண தான் ஆவலுடன் காத்திருப்பதாகக் கூறியுள்ளார்.
News September 10, 2024
பள்ளி மாணவர்களுக்கு விடுமுறை அதிகரிப்பு
TN பள்ளிக் கல்வித்துறையின் திருத்தப்பட்ட நாட்காட்டி வெளியாகியுள்ளது. இதில், நடப்பு கல்வியாண்டில் 10 வேலை நாள்கள் குறைக்கப்பட்டுள்ளன. நடப்பு கல்வியாண்டில் 220ஆக உள்ள வேலை நாள்களை குறைக்க வேண்டுமென பல்வேறு தரப்பில் இருந்து கோரிக்கை எழுந்தது. இதை ஏற்ற பள்ளிக் கல்வித்துறை 210 வேலை நாள்களாக குறைத்து திருத்தப்பட்ட நாட்காட்டியை வெளியிட்டுள்ளது. இதனால், பள்ளி மாணவர்கள் மகிழ்ச்சி அடைந்துள்ளனர்.
News September 10, 2024
சாதனைத் தமிழன்: புலிட்சர் விருது பெற்ற குமணன்
ஆன்லைன் இன்வெஸ்டிகேஷன் ஜர்னலிசம் துறைக்கு ஆற்றிய பங்களிப்புக்காக 2015இல் புலிட்சர் விருது பெற்றவர் மதுரைத் தமிழன் பழனி குமணன் நெடுமாறன். மென்பொருள்துறை, தகவல் பரிமாற்றம், இதழியல் குறித்தான பணிகளில் புதிய வடிவமைப்புகளைக் கண்டறிந்து அதற்கான உரிமங்களை அவர் பெற்றிருக்கிறார். கொலம்பியா பல்கலை., உள்ளிட்ட சர்வதேச நிறுவனங்களில் ஆய்வுரைகளை நிகழ்த்தி, அடுத்த தலைமுறைக்கு வழிகாட்டியாக திகழ்ந்து வருகிறார்.
News September 10, 2024
Finance Tips: பங்கு வர்த்தகம் பொழுதுபோக்கல்ல…
பங்கு சந்தையில் லாபகரமான வர்த்தகராக இருக்க விரும்புபவர்கள் வர்த்தகத்திற்கான நேரத்தை பொழுதுபோக்காகவோ,வேலையாகவோ அல்லாமல் தொழிலுக்கான போர்க்களமாக கருத வேண்டும். போட்டி நிறைந்த சந்தை நிலவரத்தை கண்காணிப்பது, பகுப்பாய்வு அணுகுமுறையை கையாள்வது, தொழில்நுட்பங்களை (Charting Sites) பயன்படுத்துவது அவசியம் என வல்லுநர்கள் பரிந்துரைக்கின்றனர். வேடிக்கையாக வணிகம் செய்வது ஒருபோதும் வெற்றிக்கு வழிவகுக்காது.
News September 10, 2024
கமல் திரைப்பட நிறுவன பெயரில் மோசடி?
கமல்ஹாசனின் ராஜ்கமல் பிலிம்ஸ் நிறுவனம் அறிக்கை ஒன்றை வெளியிட்டுள்ளது. அதில், தங்களது தயாரிப்பு படங்களுக்கு காஸ்டிங் ஏஜெண்டுகளை நியமிக்கவில்லை என்றும், ஆதலால் தங்கள் படங்களில் நடிக்க வாய்ப்பு வாங்கித் தருவதாக வரும் செய்திகளை நம்ப வேண்டாம் என்றும் கூறியுள்ளது. ராஜ்கமல் பட நிறுவன பெயரில் மோசடியில் ஈடுபடுவாேர் மீது சட்ட ரீதியிலான நடவடிக்கை எடுக்கப்படும் எனவும் எச்சரித்துள்ளது.
News September 10, 2024
பொது அறிவு வினா – விடை
1) சீனாவின் புனித விலங்கு எது? 2) குறைந்த நேரத்தில் சூரியனை சுற்றி வரும் கோள் எது? 3) சுருக்கெழுத்து முறையை கண்டுபிடித்தவர் யார்? 4) தமிழில் வெளிவந்த முதல் செய்தித்தாள் எது? 5) உலகிலேயே அதிக முட்டையிடும் உயிரினம் எது? 6) காந்தி உருவம் பொறித்த அஞ்சல் அட்டையை முதலில் வெளியிட்ட நாடு எது ? 7) PIN Code என்பதன் விரிவாக்கம் என்ன? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
News September 10, 2024
மானியம் கொடுப்பதில் எனக்கு பிரச்னை இல்லை
மின்சார வாகனங்களுக்கு (EV) நிதி அமைச்சகம் மானியம் கொடுப்பதில் தனக்கு எந்த பிரச்னையும் இல்லையென, நிதின் கட்கரி விளக்கம் அளித்துள்ளார். EVக்கு மானியம் தேவையில்லை என அவர் பேசியது சர்ச்சையான நிலையில், லித்தியம் அயன் பேட்டரி விலை குறைந்ததாலும், EV உற்பத்தி அதிகரித்துள்ளதாலும் அவ்வாறு கூறியதாக தெரிவித்துள்ளார். மேலும், 2 ஆண்டுகளில் EV விலை பெட்ரோல், டீசல் வாகனங்களுக்கு இணையாக இருக்கும் என்றார்.
News September 10, 2024
வெள்ளி விலை ₹1,000 உயர்வு
1 கிலோ வெள்ளி விலை ₹1,000 உயர்ந்துள்ளது. சென்னையில் நேற்று 1 கிராம் வெள்ளி ₹90க்கும், 1 கிலோ வெள்ளி விலை ₹90,000க்கும் விற்கப்பட்டது. இந்நிலையில் இன்று வெள்ளி விலை கிராமுக்கு ₹1 உயர்ந்து ₹91ஆக உள்ளது. அதேபோல் 1 கிலோ வெள்ளி விலை ₹1,000 அதிகரித்து ₹91,000க்கு விற்கப்படுகிறது. தங்கம் விலை மாற்றமின்றி கிராம் ₹6,680க்கும், சவரன் தங்கம் ₹ 53,440க்கும் விற்பனை செய்யப்படுகிறது. SHARE IT
News September 10, 2024
மகளிர் சுயஉதவி குழுக்களுக்கு ₹15 லட்சம் வரை கடன்
மகளிர், ஆண்கள் சுய உதவி குழுக்களுக்கு, சிறுதொழில் மற்றும் வணிகத்துக்கு தமிழ்நாடு பிற்படுத்தப்பட்டோர் பாெருளாதார மேம்பாட்டு கழகம் சார்பில் ₹15 லட்சம் வரை கடன் அளிக்கப்படுவதாக தமிழக அரசு தெரிவித்துள்ளது. இதன்படி, குழுவில் இருக்கும் ஒவ்வொருவரும் அதிகபட்சமாக ₹1.25 லட்சம் வரை கடனாகப் பெறலாம். இதற்கு ஆண்டு வட்டி 6% என்றும், திரும்ப செலுத்தும் காலம் இரண்டரை ஆண்டுகள் என்றும் அரசு குறிப்பிட்டுள்ளது.
Featured News
Sorry, no posts matched your criteria.