News November 29, 2025
BREAKING புதுச்சேரி: விஜய்க்கு அனுமதி மறுப்பு

புதுச்சேரியில் ரோடு ஷோ நடத்துவதற்கு தவெக அனுமதி கேட்டிருந்த நிலையில், அதற்கு அனுமதி வழங்கக் கூடாது என எதிர்ப்புகள் எழுந்திருந்தது. இந்நிலையில், புதுச்சேரியில் டிச.5ம் தேதி விஜயின் ரோடு ஷோவுக்கு அனுமதி மறுக்கப்பட்டது. கடலூர், திருவண்ணாமலை மாவட்டங்களில் இருந்து மக்கள் அதிகளவில் திரண்டால் கரூர் போன்ற அசம்பாவிதம் ஏற்பட வாய்ப்புள்ளதாகக் கருதி, புதுச்சேரி போலீஸ் தவெகவுக்கு அனுமதி மறுத்துள்ளது.
Similar News
News November 29, 2025
புதுச்சேரிக்கு சூறைக்காற்று எச்சரிக்கை

தமிழகத்தை நோக்கி நகர்ந்து வரும் ‘டிட்வா’ புயலின் காரணமாக, புதுச்சேரிக்கு இன்று ரெட் அலெர்ட் எச்சரிக்கை விடுக்கப்பட்டுள்ளது. இந்நிலையில் புயல் புதுச்சேரியை ஒட்டிய கடற்பகுதியை கடந்து செல்லும் போது, மாவட்டத்தில் மணிக்கு சுமார் 70 – 90 கி.மீ வேகத்தில் பலத்த சூறைக்காற்று வீசக்கூடும் என வானிலை ஆய்வு மையம் எச்சரித்துள்ளது. ஷேர் பண்ணுங்க!
News November 29, 2025
புதுச்சேரி: நகராட்சி ஆணையர் எச்சரிக்கை

புதுச்சேரி உழவர்கரை நகராட்சி ஆணையர் சுரேஷ்ராஜ் வெளியிட்டுள்ள செய்தியில், கட்டுமான பணி செய்பவர்கள் பொருட்களை கால்வாய்கள் மீதும், சாலைகளை ஆக்கிரமித்து வைத்தும் மேற்கொள்வதினால் கால்வாய்களில் கழிவுநீர் செல்லமுடியாமல் தேங்கி நின்று, சுகாதார சீர்கேடு ஏற்பட்டு மழையின்போது நீரில் அடித்து சென்று கால்வாயில் அடைத்து விடுகிறது. உடனடியாக அகற்ற வேண்டும், இல்லையெனில் அபராதம் விதிக்கப்படும் என்றார்.
News November 29, 2025
புதுச்சேரி: மருத்துவக் கல்லூரியில் முக்கிய அறிவிப்பு

புதுச்சேரி, சென்டாக் ஒருங்கிணைப்பாளர் அமன் சர்மா வெளியிட்டுள்ள செய்தியில், புதுச்சேரி மாகியில் உள்ள ராஜீவ் காந்தி அரசு ஆயுர்வேத மருத்துவக் கல்லூரியில், காலியாக உள்ள இடங்களுக்கு சிறப்பு இறுதிக்கட்ட கலந்தாய்வு நடந்தது. இதில் அரசு ஒதுக்கீட்டில் மூன்று பேர் நிர்வாக ஒதுக்கீட்டில் 17 பேரும் தகுதி பெற்றுள்ளதாக வரைவு பட்டியல் வெளியிடப்பட்டுள்ளது. மேலும் 30ஆம் தேதிக்குள் கல்லூரியில் சேர வேண்டும் என்றார்.


