News August 22, 2024
ஆந்திரா விபத்து: பிரதமர் நிவாரணம் அறிவிப்பு
ஆந்திரா ஃபார்மா நிறுவனத்தில் ரசாயன ரியாக்டர் வெடித்து உயிரிழந்தவர்களின் குடும்பத்தினருக்கு தலா ₹2 லட்சம், காயமடைந்தவர்களுக்கு தலா ₹50,000 நிவாரண நிதி வழங்க பிரதமர் மோடி உத்தரவிட்டுள்ளார். இந்த நிகழ்வு வலியைத் தருவதாக இரங்கல் தெரிவித்த அவர், காயமடைந்தவர்கள் விரைவில் குணமடைய விருப்பம் தெரிவித்துள்ளார். முன்னதாக ஆந்திர முதல்வர் சந்திரபாபு நாயுடு விபத்து குறித்து உயர்நிலை விசாரணைக்கு உத்தரவிட்டார்.
Similar News
News November 13, 2025
எமினெம் பொன்மொழிகள்
*இழப்பதற்கு என்னிடம் எதுவும் இல்லை, ஆனால் அடைவதற்கு ஏதோ ஒன்று இருக்கிறது. *காதல் என்பது வெறும் வார்த்தை மட்டுமே, நீங்கள் தான் அதற்கு பொருள் கொடுக்கிறீர்கள். *ஒவ்வொரு வெற்றிகரமான நபருக்குப் பின்னாலும் அவரை வெறுப்பவர்களின் கூட்டம் உள்ளது. *அனைத்தும் ஏதோ ஒரு காரணத்திற்காக நடக்கிறது. *இந்த தருணத்தை வீணாக்காதீர்கள். ஏனெனில் அனைத்தும் எப்போது முடிந்து போகும் என்று உங்களுக்குத் தெரியாது.
News November 13, 2025
இந்தியாவிற்கு ஒருநாள் கழித்து.. PAK-க்கு உடனே ஓடி வந்த USA
தீவிரவாதத்திற்கு எதிரான அமெரிக்காவின் இரட்டை நிலைப்பாடு மீண்டும் ஒருமுறை வெளிச்சத்திற்கு வந்துள்ளது. டெல்லி குண்டு வெடிப்பு சம்பவம் நடந்த ஒருநாள் கழித்து இரங்கல் தெரிவித்த அமெரிக்கா, தனது X பதிவில் தீவிரவாதம் என்ற வார்த்தையை குறிப்பிடவே இல்லை. ஆனால், பாகிஸ்தானில் கார் குண்டு வெடிப்பு நடந்த உடனே இரங்கல் தெரிவித்து பதிவிட்டு, தீவிரவாதத்திற்கு எதிரான போரில் பாகிஸ்தானுடன் நிற்பதாக தெரிவித்துள்ளது.
News November 13, 2025
ஒரு கவுன்சிலர் கூட இல்லாத தவெக, திமுகவிற்கு போட்டியா?
ஆதவ் அர்ஜுனா பணத்தை வைத்து ஆட்சியை பிடித்துவிடலாம் என நினைப்பதாக நயினார் நாகேந்திரன் விமர்சித்துள்ளார். ஒரு கவுன்சிலர் கூட இல்லாத தவெக, 2026 தேர்தலில் திமுக vs தவெக இடையேதான் போட்டி என கூறுவது விந்தையிலும் விந்தை என்றும் அவர் கூறியுள்ளார். தேர்தலின் போது கூட்டத்தை யார் வேண்டுமானாலும் கூட்டிவிடலாம், ஆட்சிக்கு வர வேண்டும், மக்களின் நன்மதிப்பை பெற வேண்டும் என்றும் தெரிவித்துள்ளார்.