News June 17, 2024
மாற்றுத்திறனாளி குழந்தைக்கு தவெக சார்பில் வீடு
நடிகர் விஜய், தமிழக வெற்றிக் கழகம் என்ற அரசியல் கட்சியை தொடங்கி பல்வேறு நலத்திட்ட உதவிகளை வழங்கி வருகிறார். அந்த வகையில், வீடு இல்லாத ஏழை எளியோருக்கு தளபதி விலையில்லா வீடு வழங்கும் திட்டத்தின் கீழ் வீடுகளை கட்டிக் கொடுத்து வருகிறார். இந்நிலையில், கோவையை சேர்ந்த மாற்றுத்திறனாளி குழந்தைக்கு இத்திட்டத்தின் கீழ் வீடு வழங்கி, வீட்டுக்குத் தேவையான மளிகை பொருட்களையும் தவெக நிர்வாகிகள் வழங்கியுள்ளனர்.
Similar News
News January 21, 2026
NASA-ல் இருந்து சுனிதா வில்லியம்ஸ் ஓய்வு பெற்றார்
இந்திய வம்சாவளியை சேர்ந்த விண்வெளி வீராங்கனை சுனிதா வில்லியம்ஸ்(60) NASA-ல் இருந்து ஓய்வு பெற்றார். 3 முறை விண்வெளிக்கு பயணித்துள்ள அவர், மொத்தம் 608 நாள்கள் அங்கு கழித்தார். மேலும், 62 மணி நேரம் 6 நிமிடங்கள் விண்வெளி நடைப்பயணங்களையும் (9 முறை) அவர் மேற்கொண்டுள்ளார். 1998-ல் NASA-ல் சேர்ந்து 27 ஆண்டுகள் பணியாற்றி உள்ளார். டிசம்பர் 27-ம் தேதியுடன் அவர் ஓய்வு பெற்றுள்ளதாக NASA அறிவித்துள்ளது.
News January 21, 2026
திமுகவில் இணைகிறார்.. விஜய்க்கு அதிர்ச்சி
ஓபிஎஸ் அணியில் உள்ள வைத்திலிங்கம், வெல்லமண்டி நடராஜன், குன்னம் ராமச்சந்திரன் தவெகவுக்கு செல்லவிருப்பதாக பேசப்பட்டது. இந்நிலையில், களநிலவரம் மாறி மூவரும் தற்போது திமுகவில் இணையவிருப்பதாக தகவல் கசிந்துள்ளது. இன்று காலை 10:30 மணியளவில் அண்ணா அறிவாலயத்தில் முதல்வர் ஸ்டாலின் முன்னிலையில் இந்த சம்பவம் நிகழவுள்ளதாக கூறப்படுகிறது. இதனால் OPS-ம் திமுகவில் விரைவில் இணைவாரா என்ற கேள்வி எழுந்துள்ளது.
News January 21, 2026
அதிமுகவிடம் ’பெரிதாக’ எதிர்பார்க்கும் தேமுதிக
கடலூர் மாநாட்டை சுட்டிக்காட்டி அதிமுகவிடம் 10 சட்டமன்ற தொகுதி, 1 ராஜ்யசபா சீட், 1 மத்திய இணை அமைச்சர் பதவி வேண்டும் என பெரிய டிமாண்டை தேமுதிக வைத்துள்ளதாம். இதனைக்கேட்டு ஷாக்கான அதிமுக தரப்பு, தொகுதிகள் ஓகே, ஆனால் மத்திய அமைச்சர் பதவிக்கு நாங்கள் எப்படி கேரண்டி கொடுப்பது என பாஜகவிடம் பேசும்படி அறிவுறுத்தியுள்ளதாம். ஆக தை பிறந்தாலும் தேமுதிகவுக்கு இன்னும் வழி பிறக்கவில்லை போல!