News November 29, 2025
கனமழை பெய்ய வாய்ப்பு: வானிலை ஆய்வு மையம்!

நாமக்கல் மாவட்டத்தில் அடுத்த 5 நாள்களுக்கான வானிலையில் வானம் பெரும்பாலும் மேகமூட்டத்துடன் காணப்படும். மாவட்டத்தில் சனி, ஞாயிற்றுக்கிழமை மிதமான மழை மற்றும் கனமழை எதிா்பாா்க்கப்படுகிறது. பகல் வெப்பம் 84.2 டிகிரிக்கு மிகாமலும், இரவு வெப்பம் 71.6 டிகிரியாகவும் காணப்படும் என நாமக்கல் கால்நடை மருத்துவக் கல்லூரி வானிலை ஆய்வு மையம் தெரிவித்துள்ளது.
Similar News
News November 29, 2025
நாமக்கல் மாவட்ட ஆட்சியர் அறிவிப்பு!

நவம்பர்-4ம் தேதி நாடு முழுவதும் பல்வேறு மாநிலங்களில் எஸ்ஐஆர் பணி தொடங்கியது. வருகிற டிசம்பர்-4ம் தேதி இப்பணி முடிவடைய உள்ளது. இதனிடையே பெறப்பட்ட படிவங்களை பூர்த்தி செய்து அந்தந்த வாக்குச்சாவடி மற்றும் நியாய விலை கடை பணியாளர்களிடம் ஒப்படைக்குமாறு நாமக்கல் மாவட்ட ஆட்சியர் துர்கா மூர்த்தி கேட்டுக் கொண்டுள்ளார். இன்னும் 5 நாட்களே உள்ள நிலையில் பொதுமக்கள் கவனத்தில் கொள்ள அறிவுறுத்தியுள்ளார்.
News November 29, 2025
விதை பரிசோதனை செய்ய விவசாயிகளுக்கு அறிவுரை!

கார்த்திகை பட்டத்தில் பயிர் சாகுபடி செய்யும் விவசாயிகள், விதை பரிசோதனை செய்து தரம் அறிந்து விதைக்க வேண்டும் என, நாமக்கல் வேளாண் அலுவலர் தேவிப்பிரியா தெரிவித்துள்ளார். விதையின் தரத்தை அறிந்து கொள்ள, நாமக்கல் மாவட்ட ஆட்சியர் அலுவலக பெருந்திட்ட வளாகத்தில் அறை எண்.13ல் இயங்கி வரும் விதை பரிசோதனை நிலையத்தில் ஒரு மாதிரிக்கு, 80 ரூபாய் கட்டணம் செலுத்தி விதையின் தரத்தை அறிந்து பயனடையலாம்.
News November 29, 2025
நாமக்கல் பொதுமக்களுக்கு ஓர் நற்செய்தி!

அத்தனூர் வனவியல் விரிவாக்க மையம் சார்பில், நாமக்கல்லில் உள்ள தனியார் நிலங்களில் ஓராண்டுக்கு மேல் தரிசாக விவசாய பயன்பாட்டுக்கு அல்லாத நிலங்களிலும், மற்ற விவசாயி நிலங்களின் வயல் முழுவதும், வரப்பு பகுதியிலும் மகாகனி, தேக்கு, செம்மரம், வேம்பு, சந்தனம் உள்ளிட்ட பல இன செடிகள் இலவசமாக நடவு செய்து தரப்பட உள்ளது. ஆகவே, ஆர்வமுள்ள விவசாயிகள் 8940133289, 9751051006 என்ற எண்களை தொடர்பு கொண்டு பயனடையலாம்.


