News November 29, 2025
தஞ்சவூர்: டிட்வா புயல் – எச்சரிக்கை

தஞ்சாவூர் மாவட்டத்தில் உள்ள அதிராம்பட்டினம் மற்றும் அதன் சுற்றுவட்டார பகுதிகளில் உள்ள மீனவர்கள் இன்று (டிச.29) கடலுக்கு செல்ல வேண்டாம் என்று கடலோர பாதுகாப்பு துறை காவலர்கள் சார்பாக அறிவிக்கப்பட்டுள்ளது. டிட்வா புயல் காரணமாக அதிக காற்றின் கடல் சீற்றத்துடன் காணப்படுவதாலும், அதிக உயரத்தில் அலை வீசுவதாலும் மீனவர்கள் பாதுகாப்புக்காக இந்த அறிவிப்பு விடுக்கப்பட்டுள்ளது.
Similar News
News November 29, 2025
தஞ்சாவூர்: புயல் முன்னெச்சரிக்கை நடவடிக்கை

தஞ்சாவூர் மாவட்டத்தில் புயல் பாதிப்புகளை எதிர்கொள்ள 275 நிவாரண மையங்கள் தயார் நிலையில் உள்ளன. இதில் 14 பல்நோக்கு புயல் பாதுகாப்பு மையங்கள், 54 படகுகள், 24613 தடுப்பு கம்புகள் தயார் செய்யப்பட்டுள்ளன. மேலும், 4500 முதல்நிலை பணியாளர்கள், 300 ஆப்தமித்ரா பணியாளர்கள், 195 கால்நடை பணியாளர்கள், 30 பாம்பு பிடிப்பவர்கள், 131 மரம் வெட்டுபவர்கள் ஆகியோர் தயார் நிலையில் உள்ளதாக தெரிவிக்கப்பட்டுள்ளது.
News November 29, 2025
தஞ்சாவூர் மாவட்டத்திற்கு சூறைக்காற்று எச்சரிக்கை

தமிழகத்தை நோக்கி நகர்ந்து வரும் ‘டிட்வா’ புயலின் காரணமாக, தஞ்சாவூர் மாவட்டத்திற்கு இன்று ரெட் அலெர்ட் எச்சரிக்கை விடுக்கப்பட்டுள்ளது. இந்நிலையில் புயல் தஞ்சாவூர் மாவட்டத்தை ஒட்டிய கடற்பகுதியை கடந்து செல்லும் போது, மாவட்டத்தில் மணிக்கு சுமார் 70 – 90 கி.மீ வேகத்தில் பலத்த சூறைக்காற்று வீசக்கூடும் என வானிலை ஆய்வு மையம் எச்சரித்துள்ளது. ஷேர் பண்ணுங்க!
News November 29, 2025
தஞ்சாவூர்: டிட்வா புயல் எச்சரிக்கை – 275 நிவாரண முகாம்கள் அமைப்பு

தஞ்சையில் டிட்வா புயல் எச்சரிக்கையையொட்டி 275 நிவாரண முகாம்கள் அமைக்கப்பட்டுள்ளன. மேலும் மழை தொடர்பான முன்னெச்சரிக்கை பணிகளை விரைவாக மேற்கொள்வதற்காக மாவட்ட, வட்ட, சரக அளவில் தொடர்புடைய துறை அலுவலர்களை ஒருங்கிணைத்து 66 குழுக்கள் அமைக்கப்பட்டுள்ளன. புயல் தொடர்பான புகார்களை மாவட்ட அவசர கட்டுப்பாட்டு அறை 04362 – 1077 எண்ணை தொடர்பு கொள்ளலாம் என மாவட்ட ஆட்சியர் பிரியங்கா பங்கஜம் தெரிவித்துள்ளார்.


