News November 12, 2025
USA-ல் போதுமான திறமைசாலிகள் இல்லை: டிரம்ப்
H-1B விசா கட்டண விவகாரத்தில் டிரம்ப் மனமிறங்கி உள்ளதாக தெரிகிறது. அமெரிக்காவில் சில துறைகளுக்கு திறமையான இந்தியர்களை பணியமர்த்த வேண்டும் எனவும் USA-வில் போதிய திறமையாளர்கள் இல்லை எனவும் அவர் பகிரங்கமாக தெரிவித்துள்ளார். பல நாட்களாக வேலை இல்லாமல் இருக்கும் அமெரிக்கர்களை, சவாலான பணிகளில் உடனடியாக ஈடுபடுத்த முடியாது என கூறிய அவர், இதற்கு வெளிநாட்டினர்தான் தேவை எனவும் கூறியுள்ளார்.
Similar News
News November 12, 2025
கரப்பான்பூச்சி தலையே போனாலும் வாழும்.. எப்படி?
கரப்பான்பூச்சி தலை இல்லாமல் 9 நாள்கள் வரை வாழும். ஒரு கரப்பான்பூச்சியில் தலை துண்டிக்கப்பட்டதும் கழுத்து பகுதியில் ரத்தம் உறைந்துவிடுகிறது. இத்துடன் கரப்பான்பூச்சிகள் மூக்கின் வழியாக சுவாசிப்பதில்லை. மாறாக உடம்பில் உள்ள துளைகள் மூலமாக சுவாசிக்கின்றன. இதனால் அவை உடனே இறப்பதில்லை. ஆனால், அவை தலைவழியாகவே உண்பதால், உணவு இல்லாமல் 9 நாட்கள் வரை தாக்குப்பிடித்த பிறகு உயிரிழக்கின்றன. SHARE.
News November 12, 2025
நிலவுக்கு பந்தயம்: வெல்லப்போவது யார்?
1969, ஜூலை 20-ல், நிலவில் முதல் முதலாக கால் பதித்தனர் USA விண்வெளி வீரர்கள். அரை நூற்றாண்டு கடந்து விட்ட நிலையில், 2030-க்குள் மனிதர்களை நிலவுக்கு அனுப்ப சீனா தீவிர முயற்சிகளை மேற்கொண்டு வருகிறது. அதேநேரம், சீனாவுக்கு முன் மீண்டும் நிலவில் கால் பதிக்க தயாராகி வருகிறது USA. ஆனால் USA-வின் முயற்சியில் தாமதங்கள் ஏற்பட்டு வருவதால், விண்வெளி பந்தயத்தில் வெல்லப்போவது யார் என்ற கேள்வி எழுந்துள்ளது.
News November 12, 2025
டெல்லி கார் வெடிப்பு: PM மோடி அவசர ஆலோசனை
டெல்லி கார் வெடிப்பு சம்பவம் தொடர்பாக PM மோடி தலைமையிலான அவசர அமைச்சரவைக் கூட்டம் தொடங்கியது. இதில், உள்துறை அமைச்சர் அமித்ஷா, பாதுகாப்புத்துறை அமைச்சர் ராஜ்நாத் சிங், நிதியமைச்சர் நிர்மலா சீதாராமன், தேசிய பாதுகாப்பு ஆலோசகர் அஜித் தோவல் உள்ளிட்டோர் பங்கேற்றுள்ளனர். நாட்டின் பாதுகாப்பு, கார் வெடிப்பு வழக்கின் விசாரணை நிலை குறித்து PM மோடி கேட்டறிந்தார்.