News February 27, 2025
காயத்திலிருந்து மீண்டு சாதனை படைத்த நாயகன்
சாம்பியன் டிராபியில் இங்கிலாந்துக்கு எதிரான இன்றைய போட்டியில் ஆப்கன் வீரர் இப்ராஹிம் ஜாத்ரான் 177 ரன்கள் அடித்து சாதனை படைத்தார். ஆனால் கடந்த 6 மாதங்களாக காயம் காரணமாக கிரிக்கெட்டில் இருந்து ஒதுங்கியிருந்தார். இதற்கு அறுவை சிகிச்சை செய்து, காயத்திலிருந்து மீண்டு வந்து இன்று விளையாடினார். மேலும், ஆப்கானிஸ்தான் கிரிக்கெட் வரலாற்றில் பல சாதனைகளை புரிந்துள்ளார். உண்மையில் இவர் ஹீரோதானே?
Similar News
News February 27, 2025
விஜயலட்சுமி புகார்: சீமான் நேரில் ஆஜராக மாட்டார்?
நடிகை விஜயலட்சுமி அளித்த புகாரில் நாதக ஒருங்கிணைப்பாளர் சீமான் இன்று நேரில் விசாரணைக்கு ஆஜராக மாட்டார் என தகவல் வெளியாகியுள்ளது. வளசரவாக்கம் காவல்நிலையத்தில் இன்று காலை 10 மணிக்கு ஆஜராக அவருக்கு நேற்று முன்தினம் சம்மன் அளிக்கப்பட்டிருந்தது. நேரில் ஆஜராவார் என்று எதிர்பார்க்கப்பட்ட நிலையில், அவரது சார்பில் வழக்கறிஞர்கள் ஆஜராவார்கள் என தகவல் வெளியாகியுள்ளது.
News February 27, 2025
பக்தியின் மகாகும்பமேளா: அமித்ஷா புகழாரம்
ஈஷா மகாசிவராத்திரி விழா பக்தியின் மகாகும்பமேளா போன்று நடைபெறுவதாக அமித்ஷா புகழாரம் சூட்டியுள்ளார். ஈஷா மகாசிவராத்திரி விழாவில் பேசிய அவர், சத்குரு ஒரு லட்சியத்தோடு இயங்கிக்கொண்டுள்ள ஞானி என்றார். உலகத்தை மாற்ற வேண்டும் என்றால் முதலில் உங்களை மாற்ற வேண்டும் என்பதை சத்குரு உணர்த்தி வருவதாகவும், இந்த விழாவில் தமிழில் பேச முடியாததற்கு வருந்துவதாகவும் அவர் தெரிவித்துள்ளாா்.
News February 27, 2025
குறைந்த போட்டியில் 50 விக்கெட்டை வீழ்த்திய ஆர்ச்சர்
ஒருநாள் கிரிக்கெட்டில் இங்கிலாந்து அணிக்காக குறைந்த போட்டிகளில் 50 விக்கெட்டுகள் வீழ்த்திய வீரர்கள் பட்டியலில் ஜோப்ரா ஆர்ச்சர் (30 போட்டிகள்) முதலிடத்தை பிடித்துள்ளார். நேற்றைய ஆப்கனுக்கு எதிரான ஆட்டத்தில் 3 விக்கெட்டை வீழ்த்தியதன் மூலம் இந்த சாதனையை அவர் படைத்துள்ளார். ஜேம்ஸ் ஆண்டர்சன் – 31 , ஸ்டீவ் ஹார்மிசன் – 32 ,ஸ்டீவன் பின் – 33, டேரன் காப் – 34 போட்டிகளில் 50 விக்கெட்டை வீழ்த்தியுள்ளனர்.