News October 12, 2025
டிரோன் தாக்குதலில் 60 பேர் பலி
ஆப்ரிக்க நாடான சூடானில் துணை ராணுவம் நடத்திய ட்ரோன் தாக்குதலில் 60 பேர் உயிரிழந்தனர். 3 ஆண்டுகளாக உள்நாட்டு கிளர்ச்சி நீடிக்கும் நிலையில், வடக்கு டார்பூரில் நடத்தப்பட்ட தாக்குதலில், பல குழந்தைகளும், பெண்களும் உயிரிழந்ததாக அந்நாட்டு ஊடகங்கள் தெரிவிக்கின்றன. ஆளும் ராணுவத்திற்கும், துணை ராணுவத்திற்கும் இடையிலான மோதலால் லட்சக்கணக்கானோர் இடம்பெயர்ந்துள்ளனர் என்பது குறிப்பிடத்தக்கது.
Similar News
News December 12, 2025
23 நாள்கள் விடுமுறை.. தமிழக அரசு அறிவிப்பு
2026-ம் ஆண்டுக்கான ரேஷன் கடை விடுமுறை நாள்களின் பட்டியலை அரசு இன்று வெளியிட்டுள்ளது. ஜன.1 (ஆங்கில புத்தாண்டு), ஜன.15, 16, 17 (பொங்கல் விடுமுறை), ஜன.26 (குடியரசு தினம்), பிப்.1 (தைப்பூசம்), மார்ச் 21 (ரம்ஜான்), ஏப்.14 (தமிழ் புத்தாண்டு), மே 1 (தொழிலாளர் தினம்), ஜூன் 26 (மொஹரம் பண்டிகை), ஆக.15 (சுதந்திர தினம்), செப்.14 (விநாயகர் சதுர்த்தி) உள்ளிட்ட 23 நாள்கள் விடுமுறை எனத் தெரிவிக்கப்பட்டுள்ளது.
News December 12, 2025
CM விமானப் பயணத்துக்கு மட்டும் ₹47 கோடி செலவு
கடந்த 2 ஆண்டுகளில் விமானப் பயணங்களுக்கு மட்டும், ₹47 கோடியை கர்நாடக CM சித்தராமையா செலவு செய்துள்ளது அரசு ஆவணங்களின் மூலம் தெரியவந்துள்ளது. இதனையடுத்து, சோசலிச தலைவர் என சொல்லிக்கொண்டு அரசு பணத்தை சித்தராமையா விரையம் செய்துள்ளதாக எதிர்க்கட்சிகள் விமர்சித்துள்ளது. முன்னதாக மோடியின் விமான பயணங்களை காங்., கடுமையாக சாடி வந்த நிலையில், இப்போது சித்தராமையாவை BJP வறுத்தெடுத்து வருகிறது.
News December 12, 2025
தனி நபர் தீபமேற்ற முடியாது: அரசு தரப்பு வாதம்
திருப்பரங்குன்றம் தீபத்தூண் விவகாரத்தில் தமிழக அரசின் மேல்முறையீட்டு மனு மீதான விசாரணை, மதுரை HC அமர்வில் தொடங்கியது. இதில் உச்சி பிள்ளையார் கோயில் தவிர, தனிநபராக வேறு எந்த இடத்திலும் தீபம் ஏற்ற அனுமதிக்க கூடாது என அரசு தரப்பில் வாதிடப்பட்டுள்ளது. இந்த விவகாரத்தில் மத நல்லிணக்கம், பொது அமைதியை கருத்தில் கொள்ள வேண்டும் எனவும் அரசு தெரிவித்துள்ளது.