News November 26, 2025
தீபத் திருவிழாவை முன்னிட்டு சிறப்பு ரயில் இயக்கம்
திருவண்ணாமலை, கார்த்திகை தீப திருவிழாவை முன்னிட்டு வரும் டிச. 3ம் தேதி தாம்பரம் – திருவண்ணாமலை- தாம்பரம் இடையே முன்பதிவில்லா மெமு ரயில் இயக்கப்பட உள்ளதாக தெற்கு ரயில்வே அறிவித்துள்ளது. அதன் படி தாம்பரத்தில் இருந்து காலை 9:15 மணிக்கு புறப்படும் ரயில் மதியம் 1:30 மணிக்கு திருவண்ணாமலை சென்றடையும், மறுமார்க்கமாக மாலை 5 மணிக்கு திருவண்ணாமலையில் இருந்து புறப்பட்டு இரவு 9 மணிக்கு தாம்பரம் வந்தடையும்.
Similar News
News November 29, 2025
செங்கல்பட்டு: பெற்ற மகளுக்கு தந்தையே வன்கொடுமை!
சென்னை மடிப்பாக்கத்தில் மனைவியைப் பிரிந்து மகளுடன் வசித்து வந்த தந்தை, தாயைப் பார்க்க அழைத்துச் செல்வதாகக் கூறி சிறுமியை பாலியல் பலாத்காரம் செய்துள்ளார். சிறுமி பக்கத்து வீட்டாரிடம் இதுகுறித்துத் தெரிவிக்க, குழந்தைகள் நலக் குழுவினர் விசாரணை மேற்கொண்டனர். இதில் குற்றம் உறுதியானதையடுத்து, செங்கல்பட்டு கோர்ட் தந்தைக்கு 7 ஆண்டுகள் சிறை தண்டனையும், ரூ.1,000 அபராதமும் விதித்து நீதிமன்றம் தீர்ப்பளித்தது.
News November 29, 2025
செங்கல்பட்டு: தனியார் கல்குவாரி வாகனம் கவிழ்ந்து விபத்து
செங்கல்பட்டு மாவட்டம் அச்சரப்பாக்கம் அடுத்த ஆனைக்குன்னம் ஊராட்சியில் அமைந்துள்ள கல்குவாரி வாகனம் நேற்று மாலை அளவில் கிரவல் மண் ஏற்றிச் சென்ற வாகனம் எதிரே வந்த வாகனத்திற்கு வழி விடும் போது இடதுபுறம் கவிழ்ந்து விபத்துக்குள்ளானது. ஓட்டுநர் நல்வாய்ப்பாக தப்பினார். இது குறித்து ஒரத்தி காவல்துறை அதிகாரி விசாரணை நடத்தி வருகின்றனர். சாலை சரியில்லாததே இதற்கு காரணம் என்று பொதுமக்கள் குற்றம் சாட்டினர்.
News November 29, 2025
செங்கல்பட்டு: இரவு ரோந்து செல்லும் காவலர்கள் விவரம்
செங்கல்பட்டு மாவட்டத்தில் நேற்று (நவ.28) இரவு 10 மணி முதல் இன்று காலை 6 மணி வரை இரவு ரோந்து பணிக்கு காவல் அதிகாரிகள் நியமிக்கப்பட்டுள்ளனர். பொதுமக்கள் தங்கள் அவசர காலத்திற்கு உங்கள் உட்கோட்ட அதிகாரியை மேற்கண்ட தொலைபேசி வாயிலாக அழைக்கலாம் அல்லது 100 ஐ டயல் செய்யலாம் என்று தெரிவிக்கப்பட்டுள்ளது. மேலும், ரோந்து பணியில் ஈடுபடும் அதிகாரிகளின் கைபேசி எண்ணும் வழங்கப்பட்டுள்ளது.