News November 27, 2025
சட்டையில் ஜெ., படம்: தோளில் TVK துண்டு

செங்கோட்டையன் இன்று தவெகவில் இணைந்த போது, விஜய் அவருக்கு TVK துண்டு போட்டார். அப்போது, அவரது சட்டை பாக்கெட்டில் ஜெயலலிதாவின் புகைப்படம் இருந்தது ஆச்சர்யத்துடன், கேள்வியையும் எழுப்பியது. இதற்கு விளக்கமளித்த செங்கோட்டையன், ‘இது ஜனநாயக நாடு; யாரோட புகைப்படத்தை வேண்டுமானாலும் வச்சுக்கலாம்’ என்று தெரிவித்தார். கட்சி மாறினாலும், பாசம் இன்னும் போகவில்லை போல என பலர் இதுபற்றி கருத்து கூறி வருகின்றனர்.
Similar News
News November 29, 2025
BREAKING: ரெட் அலர்ட்.. அதி கனமழை வெளுத்து வாங்கும்

செங்கல்பட்டு, விழுப்புரம், கடலூர், மயிலாடுதுறை, நாகைக்கு இன்று(நவ.29) அதி கனமழைக்கான ‘ரெட் அலர்ட்’ விடுக்கப்பட்டுள்ளது. சென்னை, திருவள்ளூர், காஞ்சி, ராணிப்பேட்டை, தி.மலை, சேலம், கள்ளக்குறிச்சி, பெரம்பலூர், அரியலூர், திருவாரூர், தஞ்சை, புதுக்கோட்டை, திருச்சி மாவட்டங்களில் மிக கனமழையும், வேலூர், திருப்பத்தூர், கிருஷ்ணகிரி, தருமபுரி, கரூர், நாமக்கல்லில் கனமழையும் பெய்யும் என கணிக்கப்பட்டுள்ளது.
News November 29, 2025
BREAKING: 28 மாவட்டங்களுக்கு வார்னிங்

டிட்வா புயல் மற்றும் அதி கனமழை காரணமாக தமிழ்நாட்டில் 28 மாவட்டங்களுக்கு IMD வெள்ள அபாய எச்சரிக்கை விடுத்துள்ளது. அரியலூர், செங்கல்பட்டு, கோவை, தருமபுரி, திண்டுக்கல், ஈரோடு, குமரி, கரூர், மயிலாடுதுறை, காஞ்சி, தென்காசி, தஞ்சை, நெல்லை, திருப்பூர், தூத்துக்குடி உள்ளிட்ட 28 மாவட்டங்களில் வெள்ளப்பெருக்கு ஏற்படும். எனவே, பொதுமக்கள் மிகுந்த பாதுகாப்புடன் இருக்க வேண்டும் என அறிவுறுத்தப்பட்டுள்ளது.
News November 29, 2025
சிரியா மீது இஸ்ரேல் தாக்குதல்: 13 பேர் பலி

சிரியாவின் Beit Jinn கிராமத்தில் இஸ்ரேல் நடத்திய தாக்குதலில் அப்பாவி பொதுமக்கள் உட்பட 13 பேர் பரிதாபமாக உயிரிழந்துள்ளனர். 24 பேர் காயமடைந்துள்ளனர். லெபனானை தளமாக கொண்ட 2 பயங்கரவாதிகளை பிடிக்க இந்த தாக்குதல் நடத்தப்பட்டதாக இஸ்ரேலிய படைகள் தெரிவித்துள்ளன. ஆனால் சிரிய பகுதிகளை கைப்பற்றுவதற்காக திட்டமிட்டு நடத்தப்பட்ட கொடூர தாக்குதல் இது என சிரிய அரசு கண்டனம் தெரிவித்துள்ளது.


