News November 29, 2025

குமாரபாளையத்தில் 25 பவுன் நகை திருட்டு!

image

குமாரபாளையம் பூலக்காடு பகுதியில் வசிப்பவர் நாகராஜ் (41) லேத் பட்டறை உரிமையாளர். இவர் குடும்பத்துடன் சேலம் சென்று விட்டு நேற்று காலை 8 மணியளவில் வீட்டுக்கு வந்தார். அப்போது வீட்டின் கதவின் பூட்டு உடைக்கப்பட்டு இருந்தது. உள்ளே சென்று பார்த்த போது, பீரோக்கள் உடைக்கப்பட்டு 25 பவுன் நகைகள் திருடப்பட்டது தெரியவந்தது. இதுகுறித்து குமாரபாளையம் போலீசார் விசாரணை மேற்கொண்டு வருகின்றனர்.

Similar News

News November 29, 2025

நாமக்கல்: மின் நுகர்வோர் குறைதீர் கூட்டம்!

image

நாமக்கல் மின்பகிர்மான வட்டத்தில் டிசம்பர் மாதம் மாதாந்திர நுகர்வோர் குறைதீர்க்கும் கூட்டம் அனைத்து செயற்பொறியாளர் அலுவலகத்தில் நடைபெற உள்ளது. அதன்படி, நாமக்கல் – (3.12.25), ப.வேலூர் – (10.12.25), திருச்செங்கோடு (17.12.25), பள்ளிபாளையம் (20.12.25), இராசிபுரம் (24.12.25) ஆகிய பகுதிகளில் காலை 11 மணிக்கு நடைபெறவுள்ளது என நாமக்கல் மின்பகிர்மான வட்டத்தின் மேற்பார்வையாளர் சபாநாயகம் தெரிவித்துள்ளார்.

News November 29, 2025

நாமக்கல்: கறிக்கோழி விலை கிலோவுக்கு ரூ.3 உயர்வு!

image

நாமக்கல் மண்டலத்தில் கறிக்கோழி கிலோ ரூ.100-க்கு விற்பனை செய்யப்பட்டு வந்தநிலையில், நேற்று நடைபெற்ற கறிக்கோழி ஒருங்கிணைப்புக்குழு கூட்டத்தில், அதன் விலையை மேலும் ரூ.3 உயர்த்த முடிவு செய்யப்பட்டது. அதைத்தொடர்ந்து கறிக்கோழி விலை கிலோ ரூ.103 ஆக உயர்வடைந்துள்ளது. இதனிடையே முட்டைக்கோழி கிலோ ரூ.122-க்கு விற்பனை செய்யப்பட்டு வருகிறது. முட்டை கொள்முதல் விலை ரூ.6.10- ஆக நீடித்து வருகிறது.

News November 29, 2025

கனமழை பெய்ய வாய்ப்பு: வானிலை ஆய்வு மையம்!

image

நாமக்கல் மாவட்டத்தில் அடுத்த 5 நாள்களுக்கான வானிலையில் வானம் பெரும்பாலும் மேகமூட்டத்துடன் காணப்படும். மாவட்டத்தில் சனி, ஞாயிற்றுக்கிழமை மிதமான மழை மற்றும் கனமழை எதிா்பாா்க்கப்படுகிறது. பகல் வெப்பம் 84.2 டிகிரிக்கு மிகாமலும், இரவு வெப்பம் 71.6 டிகிரியாகவும் காணப்படும் என நாமக்கல் கால்நடை மருத்துவக் கல்லூரி வானிலை ஆய்வு மையம் தெரிவித்துள்ளது.

error: Content is protected !!