News November 12, 2025
ஏர் இந்தியா விமானத்துக்கு வெடிகுண்டு மிரட்டல்
டெல்லி கார் வெடிப்பு சம்பவத்தால் நாடு முழுவதும் பாதுகாப்பு பலப்படுத்தப்பட்டுள்ளது. இந்நிலையில், வாரணாசி செல்லவிருந்த ஏர் இந்தியா எக்ஸ்பிரஸ் விமானத்திற்கு வெடிகுண்டு மிரட்டல் விடுக்கப்பட்டது. உடனடியாக விமானம் தரையிறக்கப்பட்டு, பயணிகள் அனைவரும் பத்திரமாக வெளியேற்றப்பட்டனர். இண்டிகோ விமான நிறுவனத்துக்கும் ஒரே நேரத்தில் சென்னை உள்பட 5 விமான நிலையங்களில் பாதுகாப்பு அச்சுறுத்தல் விடுக்கப்பட்டுள்ளது.
Similar News
News November 12, 2025
சென்னை – விஜயவாடா வந்தே பாரத் நரசபூர் வரை நீட்டிப்பு
சென்னை – விஜயவாடா இடையே இயக்கப்படும் வந்தே பாரத் ரயில் இன்று முதல் நரசபூர் வரை நீட்டிக்கப்படுவதாக தெற்கு ரயில்வே அறிவித்துள்ளது. காலை 5:30 மணிக்கு சென்னை சென்ட்ரலில் இருந்து புறப்படும் இந்த ரயில்(20677), ரேணிகுண்டா, ஓங்கோல், விஜயவாடா வழியாக பிற்பகல் 2:10 மணிக்கு நரசபூர் சென்றடைகிறது. மறுமார்க்கத்தில் 2:30 மணிக்கு புறப்படும் இந்த ரயில்(20678) இரவு 11:45 மணிக்கு சென்னை சென்ட்ரல் வந்தடைகிறது.
News November 12, 2025
ரிலையன்ஸுடன் இணைந்த நடிகர் அஜித்குமார்
அஜித்குமாரின் ரேஸிங் அணி, ரிலையன்ஸ் நிறுவனத்துடன் கைக்கோர்த்துள்ளது. ரிலையன்ஸின் எனர்ஜி ட்ரிங்க் பிராண்டான CAMPA எனர்ஜி, AK ரேஸிங் அணியின் அதிகாரப்பூர்வ எனர்ஜி பார்ட்னராக செயல்படும் என தெரிவிக்கப்பட்டுள்ளது. மோட்டார் ஸ்போர்ட்ஸில் இந்தியாவை உலகளவில் கொண்டு செல்லும் தொலைநோக்குடன் செயல்படும் AK ரேஸிங் அணியுடன் பார்ட்னர்ஷிப் வைப்பது மகிழ்ச்சி என்றும் ரிலையன்ஸ் நிறுவனம் கூறியுள்ளது.
News November 12, 2025
பாஜகவுக்கு அதிமுக ஒத்து ஊதுவது ஏன்? எ.வ.வேலு
கூட்டணியின் காரணமாகவே பாஜகவின் செயல்பாடுகளுக்கு அதிமுக ஒத்து ஊதுவதாக எ.வ.வேலு விமர்சித்துள்ளார். சங்கி கொள்கையை EPS தாங்கிப் பிடிக்கும் காரணத்தினால் தான், பிற கட்சிகளில் இருப்பவர்கள் திமுகவிற்கு வருவதாகவும் அவர் பேசியுள்ளார். மேலும், தமிழகத்தில் திராவிட கொள்கையை திமுக மட்டுமே கடைபிடிப்பதாகவும் எ.வ.வேலு தெரிவித்துள்ளார்.