News August 20, 2024
மதுரையில் அதிமுக சார்பில் உண்ணாவிரத போராட்டம் அறிவிப்பு
கள்ளர் சீரமைப்புப் பள்ளிகள், விடுதிகளை மூட முயற்சிக்கும் தி.மு.க. அரசைக் கண்டித்தும், பள்ளிக் கல்வித் துறையோடு இணைக்கும் முயற்சியினைக் கைவிட வலியுறுத்தி ஆக. 24 அன்று செக்கானூரணியில் உண்ணாவிரதப் போராட்டம் நடைபெற உள்ளது. இதில் மதுரை, திண்டுக்கல், தேனி ஆகிய வருவாய் மாவட்டங்களின் அ.தி.மு.க. சார்பில் காலை 9 மணி முதல் மாலை 5 மணி உண்ணாவிரதப் போராட்டம் நடைபெற உள்ளதாக தெரிவிக்கப்பட்டுள்ளது.
Similar News
News January 17, 2026
மதுரை: கார் மோதி காவலாளி பரிதாப பலி
கள்ளிக்குடி பகுதியை சேர்ந்த ராமராஜ் (65), தனியார் நிறுவனத்தில் காவலாளியாக பணியாற்றி வந்தார். இவர் நேற்று மதியம் பணியை முடித்து பைக்கில் வீட்டுக்கு வந்தபோது, பின்னால் வந்த கார் எதிர்பாராத விதமாக அவர் மீது மோதியது. இதில் படுகாயமடைந்த அவரை அக்கம் பக்கத்தினர் மீட்டு அரசு மருத்துவமனையில் சேர்த்தனர். ஆனால், அங்கு சிகிச்சை பலனின்றி ராமராஜ் உயிரிழந்தார். இதுகுறித்து கள்ளிக்குடி போலீசார் விசாரிக்கின்றனர்.
News January 17, 2026
மதுரை வரும் முதல்வர் ஸ்டாலின்..
அலங்காநல்லூரில் இன்று (ஜன.17) நடைபெறும் உலகப்புகழ் பெற்ற ஜல்லிக்கட்டு போட்டியை பார்வையிடுவதற்காக முதலமைச்சர் ஸ்டாலின் இன்று காலை 8 மணிக்கு மதுரை விமான நிலையம் வரவுள்ளார். அதனைத் தொடர்ந்து 10 மணியளவில் ராமநாதபுரம் மாவட்டத்தில் இம்மானுவேல் சேகரனார் மணிமண்டபத்தை திறந்து வைக்க சாலை மார்க்கமாக செல்கிறார். பின் மதியம் 2 மணிக்கு மீண்டும் விமானநிலையம் வந்து அங்கிருந்து சென்னை செல்கிறார்.
News January 17, 2026
மதுரை மாநகரில் இரவு ரோந்து பணி விவரம்
மதுரை மாநகரில் இன்று (16.01.2026) இரவு 11.00 மணி முதல் காலை 6.00 மணி வரை இரவு ரோந்து பணிக்கு நியமிக்கப்பட்டுள்ள காவலர்களின் விவரங்கள் மேலே உள்ள புகைப்படத்தில் பகுதி வாரியாக உள்ளது. பொதுமக்கள் தங்களுக்கு அருகில் உள்ள உங்கள் உட்கோட்ட பகுதியில் ரோந்து பணியில் உள்ள காவலர்களை அவசர காலத்திற்கு அழைக்கலாம். தொடர்பு எண்களும் மேலே கொடுக்கப்பட்டுள்ளன.